ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ ശനിയാഴ്ച ഭാരതീയ ജനതാ പാർട്ടിക്കെതിരെ (ബിജെപി) രൂക്ഷമായ ആക്രമണം അഴിച്ചുവിട്ടു, ഇപ്പോള്‍ നടക്കുന്ന ലോക്‌സഭാ തിരഞ്ഞെടുപ്പില്‍ ഭരണകക്ഷിക്ക് 230 സീറ്റുകളില്‍ കൂടുതല്‍ ലഭിക്കില്ലെന്ന് പറഞ്ഞു.
ഇടക്കാല ജാമ്യത്തില്‍ പുറത്തിറങ്ങിയതിന് തൊട്ടുപിന്നാലെ ഡല്‍ഹിയിലെ ആം ആദ്മി പാർട്ടി ആസ്ഥാനത്ത് സംസാരിച്ച കെജ്‌രിവാള്‍, പ്രതിപക്ഷമായ ഇന്ത്യാ ബ്ലോക്ക് തിരഞ്ഞെടുപ്പില്‍ വിജയിക്കുമെന്നും കേന്ദ്രത്തിലെ അടുത്ത സർക്കാരിൻ്റെ ഭാഗമാകുന്നത് എഎപി ആയിരിക്കുമെന്നും കെജ്‌രിവാള്‍ അവകാശപ്പെട്ടു.
ജയില്‍ മോചിതനായതിന് ശേഷം കഴിഞ്ഞ 20 മണിക്കൂറിനുള്ളില്‍ ഞാൻ വോട്ടെടുപ്പ് വിദഗ്ധരുമായും ജനങ്ങളുമായും സംസാരിച്ചു, ബിജെപി സർക്കാർ രൂപീകരിക്കാൻ പോകുന്നില്ലെന്ന് മനസ്സിലാക്കി,” അദ്ദേഹം പറഞ്ഞു.
ഹരിയാന, രാജസ്ഥാൻ, കർണാടക, ഡല്‍ഹി, ബിഹാർ, മഹാരാഷ്ട്ര, പശ്ചിമ ബംഗാള്‍, ജാർഖണ്ഡ്, ഉത്തർപ്രദേശ് എന്നിവിടങ്ങളില്‍ ബിജെപിയുടെ ലോക്‌സഭാ സീറ്റുകള്‍ കുറയുമെന്ന് അരവിന്ദ് കെജ്‌രിവാള്‍ പറഞ്ഞു. ഒരു സംസ്ഥാനത്തും അവരുടെ സീറ്റുകള്‍ വർദ്ധിക്കില്ലെന്നും അദ്ദേഹം പറഞ്ഞു.
