തിരഞ്ഞെടുപ്പ് നടന്ന് ആഴ്ചകള്‍ക്ക് ശേഷം പാര്‍ലമെന്റ് പിരിച്ചുവിട്ട് കുവൈത്ത് അമീര്‍. പാര്‍ലമെന്റിന്റെ ചില ചുമതലകള്‍ അമീര്‍ ഏറ്റെടുത്തതായും റിപ്പോര്‍ട്ടുണ്ട്.
50 അംഗ ദേശീയ അസംബ്ലിയുടെ ചില അധികാരങ്ങള്‍ അമീര്‍ ഷെയ്ഖ് മിഷാല്‍ അല്‍ അഹമ്മദ് അല്‍ സബാഹും രാജകീയ നിയമിത മന്ത്രിസഭയും ഏറ്റെടുക്കുമെന്ന് അദ്ദേഹം വെള്ളിയാഴ്ച സ്റ്റേറ്റ് ടെലിവിഷനില്‍ സംപ്രേക്ഷണം ചെയ്ത പ്രസംഗത്തില്‍ പറഞ്ഞു.
ഭരണഘടനയിലെ ചില അവ്യക്തമായ ആര്‍ട്ടിക്കിളുകള്‍ നാല് വര്‍ഷത്തില്‍ കൂടാത്ത കാലയളവിലേക്ക് അദ്ദേഹം സസ്‌പെന്‍ഡ് ചെയ്തു. ‘മുന്‍ വര്‍ഷങ്ങളില്‍ കുവൈത്ത് അനുഭവിച്ച അനാരോഗ്യകരമായ അന്തരീക്ഷം അഴിമതിയുടെ വ്യാപനത്തെ മിക്ക സംസ്ഥാന സൗകര്യങ്ങളിലേക്കും എത്തിക്കാന്‍ പ്രേരിപ്പിച്ചു, നിര്‍ഭാഗ്യവശാല്‍ അത് സുരക്ഷാ, സാമ്ബത്തിക സ്ഥാപനങ്ങളില്‍ വരെ എത്തി. ഇത് രാജ്യത്തെ നീതിന്യായ വ്യവസ്ഥയെ പോലും ബാധിച്ചു,’ അമീര്‍ പറഞ്ഞു.
സഹിക്കാന്‍ പറ്റാത്ത ബുദ്ധിമുട്ടുകളും പ്രതിബന്ധങ്ങളും തങ്ങള്‍ നേരിട്ടിട്ടുണ്ട് എന്നും അദ്ദേഹം പറഞ്ഞു. തന്റെ അര്‍ധസഹോദരനും മുന്‍ഗാമിയുമായ ഷെയ്ഖ് നവാഫ് അല്‍-അഹമ്മദ് അല്‍-ജാബര്‍ അല്‍-സബാഹിന്റെ മരണശേഷം കഴിഞ്ഞ ഡിസംബറില്‍ അധികാരത്തിലെത്തിയ ഷെയ്ഖ് മിഷാലിന്റെ കീഴില്‍ നടന്ന ആദ്യ തിരഞ്ഞെടുപ്പ് ആയിരുന്നു ഏപ്രിലിലേത്.
ദേശീയ അസംബ്ലിയും കാബിനറ്റും തമ്മിലുള്ള ആവര്‍ത്തിച്ചുള്ള തര്‍ക്കങ്ങള്‍ പാര്‍ലമെന്റ് പിരിച്ചുവിടുന്നതിനും നിക്ഷേപം വെട്ടിക്കുറയ്ക്കുന്നതിനും എണ്ണ വരുമാനത്തിലുള്ള രാജ്യത്തിന്റെ ആശ്രയത്വം കുറയ്ക്കുന്നതിന് ലക്ഷ്യമിട്ടുള്ള പരിഷ്‌കാരങ്ങള്‍ക്കും കാരണമായി. തിങ്കളാഴ്ച പാര്‍ലമെന്റ് ആദ്യമായി യോഗം ചേരേണ്ടതായിരുന്നു. എന്നാല്‍ നിരവധി പേര്‍ സര്‍ക്കാരില്‍ ഭാഗമാകാന്‍ വിസമ്മതിച്ചു.
ഒരു സര്‍ക്കാര്‍ രൂപീകരിക്കുന്നതില്‍ പരാജയപ്പെട്ടത് ‘ചില നിയമനിര്‍മ്മാതാക്കളുടെ നിര്‍ദ്ദേശങ്ങളുടെയും വ്യവസ്ഥകളുടെയും’ ഫലമാണെന്ന് അമീര്‍ പറഞ്ഞു. ”കുവൈത്ത് ഈയിടെയായി ചില പ്രയാസകരമായ സമയങ്ങളിലൂടെയാണ് കടന്നുപോകുന്നത്. രാജ്യത്തെ രക്ഷിക്കാനും അതിന്റെ ഉയര്‍ന്ന താല്‍പ്പര്യങ്ങള്‍ സുരക്ഷിതമാക്കാനുമുള്ള ബുദ്ധിമുട്ടുള്ള തീരുമാനമെടുക്കുന്നതില്‍ ഒരു മടിയുടേയോ കാലതാമസത്തിനോ ഇടം നല്‍കുന്നില്ല,” ഷെയ്ഖ് മിഷാല്‍ പറഞ്ഞു.
കഴിഞ്ഞ ദിവസം രാത്രി രാജ്യത്തെ അഭിസംബോധന ചെയ്യുന്നതിനിടെയാണ് അമീര്‍ ഇത് സംബന്ധിച്ച്‌ പ്രഖ്യാപനം നടത്തിയത്. കുവൈത്ത് ജനതയുടെ താല്‍പ്പര്യം സംരക്ഷിക്കേണ്ട ബാധ്യത തനിക്കുണ്ട്. എം പിമാരില്‍ ചിലര്‍ ജനാധിപത്യത്തെ ദുരുപയോഗം ചെയ്യുകയാണെന്നും അദ്ദേഹം തുറന്നടിച്ചു. ഇത് മൂന്നാമത്തെ തവണയാണ് കുവൈത്ത് ഭരണഘടനയിലെ ചില ആര്‍ട്ടിക്കിളുകള്‍ താല്‍ക്കാലികമായി റദ്ദാക്കുന്നത്.
1976 ലും 1986 ലും സമാനമായ രീതിയില്‍ ഭരണഘടനയിലെ ചില ആര്‍ട്ടിക്കിളുകള്‍ റദ്ദാക്കിയിട്ടുണ്ട്. കഴിഞ്ഞ പതിനഞ്ച് വര്‍ഷത്തിനിടെ പത്ത് തവണയെങ്കിലും കുവൈത്ത് ദേശീയ അസംബ്ലി പിരിച്ചുവിട്ടിട്ടുണ്ട്. ഈ വര്‍ഷം ഫെബ്രുവരിയിലും പാര്‍ലമെന്റ് പിരിച്ചുവിട്ടിരുന്നു. അങ്ങനെ സംഭവിച്ചാല്‍ രണ്ട് മാസത്തിനുള്ളില്‍ പൊതുതിരഞ്ഞെടുപ്പ് നടത്തണമെന്നാണ് ചട്ടത്തിന്റെ അടിസ്ഥാനത്തിലാണ് ഏപ്രിലില്‍ തിരഞ്ഞെടുപ്പ് നടത്തിയത്.
ദേശീയ അസംബ്ലിയും സര്‍ക്കാരും തമ്മിലുള്ള ഏകോപനമില്ലായ്മയാണ് കുവൈത്തിലെ പ്രതിസന്ധിക്ക് കാരണം. പാര്‍ലമെന്ററി ജനാധിപത്യവും ഭരണഘടനാ സംവിധാനവും നിലവിലുള്ള ആദ്യ ഗള്‍ഫ് രാജ്യം കുവൈത്താണ്. നിയമനിര്‍മാണത്തില്‍ നിര്‍ണായക സ്വാധീനമാണ് എം പിമാര്‍ക്കുള്ളത്.
