കേരളത്തില് എവിടെയെങ്കിലും എയിംസിന് തറക്കല്ലിടാതെ 2029ല് വോട്ട് ചോദിച്ച് വരില്ലെന്ന് കേന്ദ്ര സഹമന്ത്രി സുരേഷ് ഗോപി.
തൃശൂർ കോർപറേഷൻ സ്റ്റേഡിയത്തില് നടന്ന എസ്.ജി കോഫി ടൈംസ് പരിപാടിയില് സംസാരിക്കുകയായിരുന്നു അദ്ദേഹം.
ആലപ്പുഴയും ഇടുക്കിയുമാണ് ഏറ്റവും അർഹതയുള്ള ജില്ലകള്. ഭൂമിശാസ്ത്രപരമായ കാരണത്താല് ഇടുക്കിയില് എയിംസ് പറ്റില്ല. ആലപ്പുഴയില് അനുവദിച്ചില്ലെങ്കില് പാർലമെന്റില് തൃശൂരിന്റെ തണ്ടെല്ല് കാണിക്കുമെന്നും സുരേഷ് ഗോപി പറഞ്ഞു. ആലപ്പുഴക്കല്ലെങ്കില് തൃശൂരിനുതന്നെ എയിംസ് വേണമെന്നും അദ്ദേഹം പറഞ്ഞു.
നെടുമ്ബാശ്ശേരി വിമാനത്താവളത്തില്നിന്ന് തൃശൂരിലേക്ക് മെട്രോ വരില്ലെന്നും അത് ഒരു സ്വപ്നമായി മൂന്നു തെരഞ്ഞെടുപ്പ് മുമ്ബാണ് അവതരിപ്പിച്ചതെന്നും അദ്ദേഹം പറഞ്ഞു.
