ശബരിമല സ്വർണപാളി വിവാദത്തില്‍ സർക്കാറിനെ വിമർശിച്ച്‌ മുതിർന്ന സിപിഎം നേതാവ് ജി.സുധാകരൻ. എല്ലാവരും നമ്മള്‍ നമ്ബർ വണ്‍ ആണെന്ന് മത്സരിച്ച്‌ പറയുകയാണ്.
അങ്ങനെ പറയേണ്ടതുണ്ടോ എന്ന് നോക്കണം. സ്വർണപ്പാളി മോഷണത്തില്‍ നമ്മള്‍ ഒന്നാമതാണോ എന്നും സുധാകരൻ ചോദിച്ചു.
കെപിസിസി സാംസ്കാര സാഹിതി വേദിയില്‍ ‘സംസ്കാരവും രാഷ്ട്രീയവും ഇന്ന് നാളെ’ എന്ന വിഷയത്തില്‍ സംസാരിക്കുമ്ബോഴാണ് സുധാകരൻ സംസ്ഥാന സർക്കാരിനെതിരെയുള്ള വിമർശനം നടത്തിയത്. ‘എല്ലാവരും ആവർത്തിച്ച്‌ നമ്മള്‍ നമ്ബർ വണ്‍ ആണെന്ന് പറയുകയാണ്. ചില കാര്യങ്ങളില്‍ നമ്ബർ വണ്‍ ആണെന്നത് ശരിയാണ്. എന്നാല്‍ എല്ലാ കാര്യങ്ങളിലും നമ്ബർ വണ്‍ ആയാല്‍ എല്ലാം പൂർണമായി എന്നാണ്. എല്ലാകാര്യങ്ങളിലും പൂര്ണമായാല്‍ പിന്നെ മുന്നോട്ട് പോകേണ്ടതില്ലല്ലോ.’ സുധാകരൻ പറഞ്ഞു.
സ്വർണപ്പാളി മോഷണം അടക്കമുള്ള പല വൃത്തികെടുകളിലും നമ്മള്‍ ഒന്നാമതാണ്. സ്വർണപ്പാളി കേരളം ഒന്നാമതാണോ എന്നും സുധാകരൻ ചോദിച്ചു. സ്വർണപ്പാളി മോഷണത്തില്‍ സിപിഎമ്മും കോണ്‍ഗ്രസും താനും അടക്കം പലരും പറഞ്ഞിട്ടുണ്ടെന്നും സുധാകരൻ കൂട്ടിച്ചേർത്തു. നമ്ബർ വണ്ണാണ് എന്ന് പറയുന്നതില്‍ സൂക്ഷ്മത വേണം എന്നാണ് കെപിസിസി വേദിയില്‍ സംസാരിച്ച സുധാകരൻ പറഞ്ഞത്.
