കോഴിക്കോട്: ആസ്റ്റർ ഡിഎം ഹെൽത്ത് കെയർ, ആസ്റ്റർ ഗാർഡിയൻസ് ഗ്ലോബൽ നഴ്‌സിങ്ങ് അവാർഡ് 2025ന്റെ നാമ നിർദ്ദേശങ്ങൾ സമർപ്പിക്കുന്നതിനുള്ള അവസാന തീയതി മാർച്ച് 9വരെ നീട്ടി.അപേക്ഷ ക്ഷണിച്ച് ആദ്യ ആഴ്ചകളിൽ തന്നെ 200-ൽ കൂടുതൽ രാജ്യങ്ങളിൽ നിന്നുള്ള നഴ്‌സുമാരിൽ നിന്ന് 100,000-ൽ കൂടുതൽ രജിസ്ട്രേഷനാണ് ലഭിച്ചത്. ഇത് കഴിഞ്ഞ വർഷത്തെ എഡിഷനിൽ ലഭിച്ച അപേക്ഷകളുടെ എണ്ണത്തെ മറികടക്കുന്നതാണ്. 2022-ൽ ആരംഭിച്ച ആസ്റ്റർ ഗാർഡിയൻസ് ഗ്ലോബൽ നഴ്‌സിങ്ങ് അവാർഡിൻ്റെ നാലാമത്തെ എഡിഷനാണ് ഈ വർഷം നടക്കുന്നത്. ലോകമെമ്പാടുമുള്ള നഴ്‌സുമാരുടെ നിർണായക സംഭാവനകൾ തിരിച്ചറിയുകയും ആദരിക്കുകയുമാണ് അവാർഡിൻ്റെ ലക്ഷ്യം. നഴ്‌സുമാർക്ക് അവരുടെ നാമനിർദ്ദേശങ്ങൾ www.asterguardians.com വഴി സമർപ്പിക്കാം.
ദുബായിലും, ലണ്ടനിലും സംഘടിപ്പിച്ച ആദ്യ രണ്ട് എഡിഷന് ശേഷമുള്ള ആസ്റ്റർ ഗ്ലോബൽ നഴ്‌സിങ്ങ് അവാർഡിൻ്റെ മൂന്നാം പതിപ്പ് 2024-ൽ ബെംഗളൂരുവിലാണ് സംഘടിപ്പിക്കപ്പെട്ടത്. ഫിലിപ്പീൻസിൽ നിന്നുള്ള നഴ്‌സ് മരിയയാണ് ഈ എഡിഷനിൽ ജേതാവായത്. അവാർഡ് നേട്ടത്തിനൊപ്പം ലഭിച്ച സമ്മാനത്തുക ഉപയോഗിച്ച് മരിയ ജുവാൻ ജീവൻരക്ഷാ പരിശീലന പരിപാടിയും. പരിസ്ഥിതി സംരക്ഷണവും ഉൾപ്പെടുന്ന #BeOneMovement ഉദ്യമത്തിൻ്റെ ലോഞ്ചിങ്ങ് നിർവ്വഹിച്ചു.
മിഡിൽ ഈസ്റ്റ്, ഇന്ത്യൻ ഉപ ഭൂഖണ്ഡം, ആഫ്രിക്ക, അമേരിക്ക, യൂറോപ്പ് എന്നിവിടങ്ങളിലെ നഴ്സുമാരടക്കം 2025-ലെ ആസ്റ്റർ ഗാർഡിയൻസ് ഗ്ലോബൽ നഴ്‌സിങ്ങ് അവാർഡിനുള്ള നാമനിർദ്ദേശങ്ങൾ സമർപ്പിക്കാൻ ഇതിനകം ആരംഭിച്ചിട്ടുണ്ട്.
