കെ. മുരളീധരനെ വയനാട്ടില്‍ മത്സരിപ്പിക്കുന്നതില്‍ തടസമില്ലെന്ന് കെ.പി.സി.സി അധ്യക്ഷൻ കെ.സുധാകരൻ പറഞ്ഞു.
കണ്ണൂർ വിമാനതാവളത്തില്‍ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. എവിടെ മത്സരിക്കാനും യോഗ്യനായ നേതാവാണ് മുരളീധരൻ.
വേണമെങ്കില്‍ കെ.പി.സി.സി അധ്യക്ഷ സ്ഥാനവും മുരളീധരന് നല്‍കാം. താൻ അതില്‍ കടിച്ചു തൂങ്ങില്ലെന്നും ‘ സുധാകരൻ പറഞ്ഞു. ആലത്തൂരില്‍ രമ്യ ഹരിദാസിൻ്റെ പരാജയത്തിന് കാരണം പരിശോധിക്കും. തൃശൂരില്‍ അന്വേഷണ കമ്മീഷൻ റിപ്പോർട്ട് ലഭിച്ച ശേഷം ആവശ്യമെങ്കില്‍ നടപടി സ്വീകരിക്കും. കേരള കോണ്‍ഗ്രസിനെ യു.ഡി.എഫിലേക്ക് തിരികെ കൊണ്ടു വരണമെന്നാണ് തൻ്റെ വ്യക്തിപരമായ തീരുമാനം. മുന്നണിയില്‍ ആലോചിച്ചു ഈ കാര്യത്തില്‍ തീരുമാനമെടുക്കണം. യു.ഡി.എഫിന് കെ.എം മാണിയെ മറക്കാനാവില്ലെന്നും സുധാകരൻ പറഞ്ഞു.
