വയനാട് മുണ്ടക്കൈ- ചൂരല്മല ഉരുള്പൊട്ടല് ദുരന്തബാധിതര്ക്കായി മുസ്ലിം ലീഗ് നിര്മിച്ച വീടുകളില് ഇന്ന് ഗൃഹപ്രവേശന ചടങ്ങ് നടക്കും.
ആദ്യം നിര്മ്മിച്ച 51 വീടുകളിലാണ് ഗുണഭോക്താക്കള് താമസം ആരംഭിക്കുക. വൈകിട്ട് നാലുമണിക്ക് നടക്കുന്ന ചടങ്ങില് മുസ്ലിം ലീഗ് സംസ്ഥാന അധ്യക്ഷന് പാണക്കാട് സാദിഖ് അലി ശിഹാബ് തങ്ങള്, പി കെ കുഞ്ഞാലിക്കുട്ടി ഉള്പ്പെടെയുള്ള ലീഗ് നേതാക്കള് പങ്കെടുക്കും.
വീടുകളിലേക്കുള്ള ഫര്ണിച്ചര്, ഭക്ഷ്യ കിറ്റ് തുടങ്ങിയവയുടെ വിതരണം ഇന്നലേയോടെ പൂര്ത്തിയാക്കി. കുടുംബങ്ങളുടെ സ്വകാര്യത മാനിച്ച് എല്ലാവരോടും സന്ദര്ശനം ഒഴിവാക്കണമെന്ന് ലീഗ് നേതൃത്വം അഭ്യര്ത്ഥിച്ചിട്ടുണ്ട് . മൂന്ന് ബെഡ്റൂമുകളോട് കൂടിയ 1060 ചതുരശ്രയടിയുള്ള വീടും 8 സെന്റ് ഭൂമിയുമാണ് മുസ്ലിം ലീഗ് ദുരന്തബാധിതര്ക്കായി നിര്മിച്ച് നല്കിയിരിക്കുന്നത്. മുട്ടില്-മേപ്പാടി സംസ്ഥാന പാതയോട് ചേര്ന്ന് തൃക്കൈപ്പറ്റ വെള്ളിത്തോടാണ് വീടുകള് നിര്മിച്ചിരിക്കുന്നത്.
