ബിഎംഡബ്ള്യൂ സെവൻ സീരീസിന് പിന്നാലെ ഫെരാരി സൂപ്പര്‍കാറും സ്വന്തമാക്കി ദുല്‍ക്കര്‍ സല്‍മാൻ. ഫെരാരിയുടെ 296 ജിടിബി എന്ന മിഡ് എൻജിൻ, റിയര്‍വീല്‍ ഡ്രൈവ് സൂപ്പര്‍കാറാണ് ഇപ്പോള്‍ ദുല്‍ക്കര്‍ സ്വന്തമാക്കിയത്.
ഏറെ നാളുകള്‍ക്ക് ശേഷം ഫെരാരി പുറത്തിറക്കിയ വി 6 പ്രൊഡക്ഷൻ കാറാണ് 296 ജിടിബി. ദ റിയല്‍ ഫെരാരി വിത്ത് ജെസ്റ്റ് 6 സിലിണ്ടേഴ്സ് എന്നാണ് 296 എന്ന സൂപ്പര്‍കാര്‍ പുറത്തിറക്കിക്കൊണ്ട് ഫെരാരി പ്രഖ്യാപിച്ചത്.
ഒരു വര്‍ഷത്തിന് ശേഷമാണ് ഈ ഹൈബ്രിഡ് കാര്‍ ഇന്ത്യയിലെത്തുന്നത്. മാരനെല്ലോ എന്ന മോഡലിനെ അടിസ്ഥാനമാക്കി നിര്‍മ്മിച്ച സൂപ്പര്‍കാറായ മാര്‍ക്ക് 296 ജിടിബി പുറത്തിറക്കി ഒമ്ബത് മാസത്തിന് ശേഷമാണ് ഡ്രോപ്പ്-ടോപ്പ് ജി ഫെരാരി ഇന്ത്യയിലെത്തിച്ചിരിക്കുന്നത്. നീണ്ട നാളുകള്‍ക്ക് ശേഷം ഫെരാരി പുറത്തിറക്കുന്ന വി6 പ്രൊഡക്ഷന്‍ സ്‌പോര്‍ട്‌സ് കാറാണ് 296 ജി.ടി.ബി. ഫെരാരിയുടെ ഡിനോ ബ്രാന്റുകളില്‍ മാത്രമാണ് മുന്‍കാലങ്ങളില്‍ വി6 എന്‍ജിന്‍ നല്‍കിയിരുന്നത്. 2022-ലാണ് ഫെരാരി 296 ജി.ടി.ബി. ഫെരാരി പുറത്തിറക്കിയത്.
ഏകദേശം 5.40 കോടി രൂപ എക്സ്ഷോറൂം വിലയുള്ള 296 ജിടിബി കസ്റ്റമൈസേഷൻ കൂടി ചേരുമ്ബോള്‍ വില വര്‍ധിക്കുകയും ചെയ്യും. 6250 ആര്‍പിഎമ്മില്‍ 740 എൻഎം ആണ് ടോര്‍ക്ക്. വേഗം 100 കിലോമീറ്റര്‍ കടക്കാൻ ഈ സൂപ്പര്‍കാറിന് വെറും 2.9 സെക്കൻഡ് മാത്രം മതി. 330 കിലോമീറ്റര്‍ ഉയര്‍ന്ന സ്പീഡുള്ള ഫെരാരി 296 ജിടിബി വാഹനപ്രേമികളുടെ ഇടയില്‍ ഒരു സ്റ്റാര്‍ ആണ്.
