പാലക്കാട് വഴി എറണാകുളം ബെംഗളൂരു വന്ദേഭാരത് എക്‌സ്പ്രസിന്റെ സ്‌പെഷ്യല്‍ സര്‍വീസിന് അനുമതി നല്‍കി റെയില്‍വേ ബോര്‍ഡ്.
ഈ മാസം 31 മുതല്‍ ഓഗസ്റ്റ് 26 വരെ ആഴ്ചയില്‍ മൂന്ന് ദിവസമാണ് സ്‌പെഷ്യല്‍ സര്‍വീസ്. എറണാകുളത്ത് നിന്നും ബെംഗളൂരു കന്റോണ്‍മെന്റിലേക്ക് ബുധന്‍, വെള്ളി, ഞായര്‍ ദിവസങ്ങളിലും തിരികെ വ്യാഴം, ശനി, തിങ്കള്‍ ദിവസങ്ങളിലുമാകും സര്‍വീസ്.
എറണാകുളത്ത് നിന്ന് ഉച്ചയ്ക്ക് 12.50ന് പുറപ്പെട്ട് രാത്രി 10ന് ബെംഗളൂരു കന്റോണ്‍മെന്റിലെത്തും. പിറ്റേന്ന് രാവിലെ അഞ്ചരയ്ക്ക് തിരിച്ച്‌ ഉച്ചയ്ക്ക് 2.20ന് എറണാകുളത്തെത്തും. എട്ട് കോച്ചുള്ള ട്രെയിന്‍ തൃശൂര്‍, പാലക്കാട്, പോത്തനൂര്‍, തിരുപ്പൂര്‍, ഈറോഡ്, സേലം എന്നിവിടങ്ങളില്‍ നിര്‍ത്തും. താല്‍ക്കാലിക സര്‍വീസാണെങ്കിലും വരുമാനമുണ്ടായാല്‍ നീട്ടുമെന്നാണ് സൂചന.
