കൊടിക്കുന്നിലിനെ പ്രോടെം സ്പീക്കർ ആക്കാതിരുന്നത് അവഹേളനം : പിണറായി തിരുവനന്തപുരം : പാർലമെന്ററി കീഴ് വഴക്കങ്ങൾ ലംഘിച്ചുകൊണ്ട് ലോകസഭ പ്രോംടേം സ്പീക്കറെ നിയമിച്ച നടപടി പ്രതിഷേധാർഹമാണെന്ന് മുഖ്യമന്ത്രി പിണറായി വിജയൻ. സഭയിൽ ഏറ്റവും കൂടുതൽ കാലം അംഗമായിട്ടും മാവേലിക്കര എംപി കൊടിക്കുന്നിൽ സുരേഷിനെ തഴഞ്ഞത് എന്തിനാണെന്ന് കേന്ദ്ര സർക്കാർ വ്യക്തമാക്കേണ്ടതുണ്ട്. സംഘപരിവാർ പിന്തുടരുന്ന സവർണ്ണ രാഷ്ട്രീയമാണ് ഈ തീരുമാനത്തിനു പിന്നിലെന്ന് സംശയിക്കുന്നവർക്ക് എന്താണ് ബി ജെ പിയുടെ മറുപടി? പാർലമെന്ററി ജനാധിപത്യ മര്യാദകളെയും സഭയിലെ കീഴ് വഴക്കങ്ങളെയും അംഗീകരിക്കില്ല എന്ന ധാർഷ്ട്യമാണ് ബിജെപിക്ക്. ഇക്കഴിഞ്ഞ ലോകസഭയിൽ ഡെപ്യൂട്ടി സ്പീക്കർ പദവി അഞ്ചു വർഷവും ഒഴിച്ചിടുകയായിരുന്നു. പ്രതിപക്ഷ കക്ഷിയിൽ പെട്ട ആരെയും ആ സ്ഥാനത്ത് അംഗീകരിക്കാൻ കഴിയില്ല എന്ന മനോഭാവമായിരുന്നു ഇതിന്റെ പിന്നിൽ. ബിജെപി നേതൃത്വത്തിന്റെ ഈ ധിക്കാരപരമായ സമീപനം ഇന്ത്യൻ ജനാധിപത്യത്തോടുള്ള വെല്ലുവിളിയും അവഹേളനവുമായി മാത്രമേ കാണാൻ കഴിയൂവെന്നും മുഖ്യമന്ത്രി പറഞ്ഞു.
Related Posts
തൃശൂര് ഡിസിസി ഓഫീസിലെ കൂട്ടത്തല്ല്: ഡിസിസി പ്രസിഡന്റ് ഉള്പ്പടെ 20 പേര്ക്കെതിരെ കേസ്
തൃശൂര് ഡിസിസി ഓഫീസിലെ സംഘട്ടനത്തില് നടപടി. ഡിസിസി പ്രസിഡന്റ് ജോസ് വള്ളൂര് ഉള്പ്പടെ 20 പേര്ക്കെതിരെ കേസെടുത്തു. ഡിസിസി സെക്രട്ടറി സജീവന് കുരിയച്ചിറയുടെ പരാതിയിലാണ് കേസ്. ജാമ്യം…
ബാള്ട്ടിമോര് അപകടം: 6 പേര്ക്കുവേണ്ടിയുള്ള തിരച്ചില് നിര്ത്തി
യു.എസിലെ ബാള്ട്ടിമോർ തുറമുഖത്തിനടുത്തുള്ള ‘ഫ്രാൻസിസ് സ്കോട്ട് കീ’ പാലത്തില് ചരക്കുകപ്പലിടിച്ചു തകര്ന്നതിനെത്തുടര്ന്ന് നദിയില്വീണ ആറു പേർ മരിച്ചതായി നിഗമനം. ഇവർക്കായുള്ള തിരച്ചില് കോസ്റ്റ് ഗാർഡ് അവസാനിപ്പിച്ചു. യു.എസ്…
സംസ്ഥാനത്ത് വീര്യം കുറഞ്ഞ മദ്യ വില്പന ഉടൻ ആരംഭിച്ചേക്കും
സംസ്ഥാനത്ത് വീര്യം കുറഞ്ഞ മദ്യ വില്പന ഉടൻ ആരംഭിച്ചേക്കും. വീര്യം കുറഞ്ഞ മദ്യത്തിന് ഈടാക്കേണ്ട കേരള വില്പന നികുതി നിയമ പ്രകാരമുള്ള നികുതി നിരക്കിൻ്റെ ശിപാർശ സമർപ്പിച്ചു.…