ന്യൂഡല്ഹിയിലെ ഹോട്ടലിലുണ്ടായ വൻ തീപിടുത്തത്തില് 21 പേർ ദാരുണമായി കൊല്ലപ്പെട്ട സംഭവത്തില് ഹോട്ടലിലെ മുഖ്യ പാചകക്കാരനെ (Delhi hotel fire arrest) പോലീസ് അറസ്റ്റ് ചെയ്തു.
പാചകശാലയിലുണ്ടായ കടുത്ത അനാസ്ഥയാണ് വൻ ദുരന്തത്തിന് കാരണമായതെന്ന് കണ്ടെത്തിയതിനെത്തുടർന്നാണ് ഡല്ഹി പോലീസ് നടപടിയെടുത്തത്.
ഹോട്ടലിലെ അടുക്കളയില് പാചകവാതക സിലിണ്ടർ കൈകാര്യം ചെയ്തതിലും സുരക്ഷാ മാനദണ്ഡങ്ങള് പാലിക്കുന്നതിലും ഇയാളുടെ ഭാഗത്തുനിന്ന് ഗുരുതരമായ വീഴ്ചയുണ്ടായതായി പോലീസ് അന്വേഷണത്തില് വ്യക്തമായി. തീപിടുത്തമുണ്ടായ ഉടൻ തന്നെ അധികൃതരെ അറിയിക്കുന്നതിനോ യാത്രാക്കാരെ രക്ഷപെടുത്താൻ ശ്രമിക്കുന്നതിനോ പകരം ഇയാള് സംഭവസ്ഥലത്തുനിന്ന് ഓടി രക്ഷപെടുകയായിരുന്നു.
അപകടത്തെക്കുറിച്ച് ഡല്ഹി പോലീസ് വിശദമായ അന്വേഷണം നടത്തിവരികയാണ്. ഹോട്ടല് മാനേജ്മെന്റിന് സുരക്ഷാ വീഴ്ചയില് പങ്കുണ്ടോ എന്ന കാര്യവും പരിശോധിക്കുന്നുണ്ട്. അറസ്റ്റിലായ പ്രതിക്കെതിരെ അശ്രദ്ധ മൂലമുള്ള നരഹത്യ ഉള്പ്പെടെയുള്ള വിവിധ ഗുരുതര വകുപ്പുകള് പ്രകാരം കേസെടുത്തിട്ടുണ്ട്.
