അവധി ലഭിക്കാത്തതില് മനംനൊന്ത് തൃശൂർ വെള്ളിക്കുളങ്ങരയില് പൊലീസുകാരൻ ആത്മഹത്യക്ക് ശ്രമിച്ചു. സ്റ്റേഷൻ വാട്സ്ആപ്പ് ഗ്രൂപ്പില് ഓഡിയോ സന്ദേശം അയച്ച ശേഷമാണ് ആത്മഹത്യക്ക് ശ്രമിച്ചത്.
സ്റ്റേഷനിലെ ആള്ക്ഷാമം പരിഹരിക്കാൻ റൂറല് എസ്പിക്ക് താത്പര്യമില്ലെന്ന് ഓഡിയോ സന്ദേശത്തില് പറയുന്നു.
അവധി ലഭിക്കാത്തിനാല് അമ്മയുടെ ശസ്ത്രക്രിയ ഉള്പ്പടെ മാറ്റിവെക്കേണ്ടി വന്നിരുന്നു. തൂങ്ങിമരിക്കാനുള്ള ശ്രമത്തിനിടെ മുഖത്ത് പരിക്കേറ്റ് പത്തിലധികം തുന്നലുണ്ട്. സ്റ്റേഷനില് പൊലീസുകാരുടെ കുറവുണ്ടെന്നും ആവശ്യപ്പെട്ട പണം പിരിച്ചുകൊടുക്കാത്തുകൊണ്ടാണോ വെള്ളിക്കുളങ്ങര സ്റ്റേഷനോടുള്ള വിവേചനമെന്നും സന്ദേശത്തില് ചോദിക്കുന്നുണ്ട്. ഒൻപതുപേരുടെ കുറവ് പരിഹരിക്കാൻ റൂറല് എസ്പിക്ക് താത്പര്യക്കുറവാണെന്നും വാട്സ്ആപ്പ് സന്ദേശത്തിലുണ്ട്.
