പല സമുദായങ്ങളും സംഘടിതരായി അധികാര രാഷ്ട്രീയത്തിലേറി നേട്ടമുണ്ടാക്കിയപ്പോള്‍ ഈഴവ സമുദായം പിന്നോട്ടടിക്കപ്പെട്ടെന്ന് എസ്.എൻ.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശൻ.
എസ്.എൻ.ഡി.പി യോഗം അമ്ബലപ്പുഴ യൂനിയനില്‍ മെറിറ്റ് ഈവനിങും പ്രതിഭകളെ ആദരിക്കലും ഉദ്ഘാടനം ചെയ്യുകയായിരുന്നു വെള്ളാപ്പള്ളി.
സംസ്ഥാനത്തെ വിദ്യാഭ്യാസ മേഖലയില്‍ വലിയ മുന്നേറ്റമുണ്ടാക്കാൻ സർക്കാരിനായെന്ന് പ്രതിഭകളെ ആദരിക്കല്‍ നിർവഹിച്ച്‌ മന്ത്രി വി.എൻ. വാസവൻ പറഞ്ഞു. വിവിധ മേഖലകളില്‍ നേട്ടമുണ്ടാക്കിയവർക്കുള്ള പുരസ്കാരങ്ങള്‍ എം.എല്‍.എമാരായ രമേശ് ചെന്നിത്തല, പി.പി. ചിത്തരഞ്ജൻ, എച്ച്‌. സലാം, ആലപ്പുഴ നഗരസഭാധ്യക്ഷ കെ.കെ. ജയമ്മ എന്നിവർ വിതരണം ചെയ്തു.
എൻ.കെ. നാരായണൻ സ്മാരക വിദ്യാഭ്യാസ ധനസഹായം, സ്കോളർഷിപ്പുകള്‍ എന്നിവ ഡെപ്യൂട്ടി കലക്ടർ സി. പ്രേംജി, കൊല്ലം ഗവ. മെഡിക്കല്‍ കോളജ് പ്രിൻസിപ്പല്‍ ഡോ. ബി. പദ്മകുമാർ, ചൈതന്യമഠം ട്രസ്റ്റി ആർ. രുദ്രൻ, എസ്.ഡി.വി സ്കൂള്‍സ് മാനേജർ പ്രഫ. എസ്. രാമാനന്ദ് എന്നിവർ നിർവഹിച്ചു. എസ്.എൻ.ഡി.പി യോഗം അമ്ബലപ്പുഴ യൂനിയൻ പ്രസിഡന്‍റ് പി. ഹരിദാസ് അധ്യക്ഷത വഹിച്ചു.
