എം എല് എ മാരുടെ പിന്തുണ നേടുന്നതില് പരാജയപ്പെട്ട വി ഡി സതീശൻ മുഖ്യമന്ത്രി സ്ഥാനത്തിനായുള്ള മത്സരത്തില് നിന്നും പിൻവാങ്ങുന്നതായി സൂചന.
തന്റെ വിശ്വസ്ഥരോട് അദ്ദേഹം ഇക്കാര്യം സൂചിപ്പിച്ചതായും അറിയുന്നു. നേരെത്തെ അഞ്ച് എം എല് എ മാരുടെ പിന്തുണ അവകാശപ്പെട്ട വി ഡി സതീശന് ഇപ്പോള് കേവലം മൂന്ന് എം എല് എമാരുടെ പിന്തുണമാത്രമേ ഉള്ളു എന്നാണ് പാർട്ടിയില് നിന്നും ലഭിക്കുന്ന വിവരം.
മുഹമ്മദ് ഷിയാസ്, എം വിൻസെന്റ്, കെ പി നൗഷാദ് അലി എന്നീ മൂന്ന് എം എല് എമാർ മാത്രമേ വി ഡി സതീശനൊപ്പമുള്ളുവെന്നാണ് അറിയുന്നത്. മുഖ്യമന്ത്രി സ്ഥാനത്തേക്കുള്ള മത്സരത്തില് നിന്നും വി ഡി സതീശൻ പിന്മാറാൻ തീരുമാനിച്ചത് എം എല് എ മാരുടെ പിന്തുണ ഇല്ല എന്നത് കൊണ്ടു മാത്രമല്ല കോണ്ഗ്രസ് ഹൈകമാൻഡിന് വി ഡി സതീശനോട് വലിയ താല്പര്യം ഇല്ല എന്ന വാർത്തയും മത്സരത്തില് നിന്നും പിന്നോക്കം പോകാൻ അദ്ദേഹത്തേ പ്രേരിപ്പിക്കുന്നു.
ഇന്ന് എത്തുന്ന, എ ഐ സി സി നിരീക്ഷകർക്ക് മുന്നില് മുഖ്യമന്ത്രി സ്ഥാനത്തേക്ക് അവകാശവാദം ഉന്നയിക്കാനുള്ള രാഷ്ട്രീയ ബലം വി ഡി സതീശനില്ല എന്നാണ് കോണ്ഗ്രസ് ലെ പ്രമുഖ നേതാക്കള് എല്ലാം പറയുന്നത്. അദ്ദേഹം ഉള്പ്പെടെ നാലു എം എല് എ മാരുടെ മാത്രം പിന്തുണയുള്ള സതീശൻ ഹൈകമാൻഡ് നിരീക്ഷകരുടെ മുന്നില് മുഖ്യമന്ത്രിയാകാനുള്ള അവകാശ വാദം ഉന്നയിച്ചാല് അത് വിലപ്പോകില്ലന്നാണ് കോണ്ഗ്രസ് നേതാക്കളെല്ലാം കരുതുന്നു.
