ഒറ്റപ്പാലം നിയമസഭാ മണ്ഡലത്തില് പി കെ ശശിയെ മത്സരിപ്പിക്കാന് കോണ്ഗ്രസ് നീക്കം. മുന് എംഎല്എയും കെടിഡിസി ചെയര്മാനുമായ പി കെ ശശിയെ മത്സരിപ്പിക്കുന്നതിനായി കോണ്ഗ്രസ് നേതൃത്വം ഉന്നതതല ചര്ച്ചകള് ആരംഭിച്ചതായി റിപ്പോര്ട്ട്.സിപിഎം മുന് എംഎല്എയായ പി കെ ശശി പാലക്കാട്ട് ഒരുകാലത്ത് പ്രബലനായ രാഷ്ട്രീയ നേതാവായിരുന്നു.
ശശിയുമായി ചര്ച്ച നടക്കുകയാണെന്നും, അന്തിമ തീരുമാനം എടുക്കുന്നതുവരെ ഒറ്റപ്പാലത്തേക്ക് ബദല് സ്ഥാനാര്ത്ഥിയെയും പ്രോത്സാഹിപ്പിക്കരുതെന്ന് ജില്ലാ നേതാക്കള്ക്ക് അനൗപചാരികമായി നിര്ദ്ദേശം നല്കിയതായും റിപ്പോര്ട്ടില് പറയുന്നു.
അതേസമയം, കോണ്ഗ്രസ് നീക്കം സംബന്ധിച്ച റിപ്പോര്ട്ടുകള് പി കെ ശശി നിഷേധിച്ചു. ‘അങ്ങനെയൊന്നും ഞാന് ഒരിക്കലും ചിന്തിച്ചിട്ടില്ല. അത്തരമൊരു ചര്ച്ച നടന്നിട്ടില്ലെന്നായിരുന്നു പി കെ ശശിയുടെ പ്രതികരണം. സമീപകാല തെരഞ്ഞെടുപ്പുകളില് സിപിഎം വിജയിച്ചുകൊണ്ടിരിക്കുന്ന മണ്ഡലമാണ് ഒറ്റപ്പാലം.
