പീഡനക്കേസില് അറസ്റ്റ് ചെയ്ത അന്വേഷണ ഉദ്യോഗസ്ഥരെ വെല്ലുവിളിച്ച് രാഹുല് മാങ്കൂട്ടത്തില് എംഎല്എ.
പരാതിക്കാരിയുമായുള്ള ബന്ധങ്ങള് എങ്ങനെ തനിക്ക് അനുകൂലമാക്കാം എന്ന് കൃത്യമായി അറിയാമെന്നും തന്റെ പക്കല് എല്ലാ തെളിവുകളും ഭദ്രമാണെന്നും രാഹുല് പറഞ്ഞു.
തെരഞ്ഞെടുപ്പില് സ്വതന്ത്രനായി മത്സരിച്ചാല് പോലും താൻ വിജയിക്കുമെന്നും രാഹുല് വെല്ലുവിളി നടത്തി. കേസിനെ നിയമപരമായി നേരിടുമെന്നും രാഷ്ട്രീയമായി തന്നെ തകർക്കാൻ കഴിയില്ലെന്നും രാഹുല് വ്യക്തമാക്കി.
അതേസമയം, അറസ്റ്റിലായ മാങ്കൂട്ടത്തിലിനെ പത്തനംതിട്ട ജില്ലാ കോടതി മജിസ്ട്രേറ്റ് റിമാൻഡ് ചെയ്തു. രാഹുലിന്റെ ജാമ്യാപേക്ഷ തള്ളിക്കൊണ്ടാണ് 14 ദിവസത്തേക്ക് കോടതി റിമാൻഡ് ചെയ്തത്. വഴിനീളെ നീണ്ട പ്രതിഷേധങ്ങള്ക്കൊടുവില് രാഹുലിനെ മാവേലിക്കര പ്രത്യേക ജയിലിലെത്തിച്ചു.
വിദേശത്ത് താമസിക്കുന്ന മലയാളി യുവതിയുടെ പരാതിയിലാണ് രാഹുല് മാങ്കൂട്ടത്തില് ജയിലിലായത്.
