ഒറ്റപ്പാലം മണ്ഡലത്തിലെ യുഡിഎഫ് സ്ഥാനാർത്ഥി പി.കെ. ശശി ഔദ്യോഗിക രേഖകളില് കൃത്രിമം കാണിച്ചെന്ന പരാതിയില് നിർണ്ണായക ഇടപെടലുമായി കോടതി.
സ്കൂള് സർട്ടിഫിക്കറ്റിലെ വിവരങ്ങള്ക്ക് വിരുദ്ധമായി തന്റെ പ്രായം രണ്ട് വയസ്സ് കുറച്ചുകാട്ടി രേഖകളില് മാറ്റം വരുത്തിയെന്നാണ് ആരോപണം.
എല്ഡിഎഫ് മണ്ഡലം കമ്മിറ്റി നല്കിയ പരാതിയിലാണ് കോടതിയുടെ നടപടി. കോടതി പോലീസിനോട് റിപ്പോർട്ട് തേടിയിട്ടുണ്ട്. പരാതി ഗൗരവകരമാണെന്ന് നിരീക്ഷിച്ച കോടതി, ഇതുസംബന്ധിച്ച രേഖകള് വിശദമായി പരിശോധിക്കാൻ പോലീസിനോട് നിർദ്ദേശിച്ചു. വോട്ടെടുപ്പിന് തൊട്ടുമുമ്പ് സ്ഥാനാർത്ഥിക്കെതിരെ ഉയർന്നിരിക്കുന്ന ഈ നിയമക്കുരുക്ക് യുഡിഎഫ് ക്യാമ്പിന് വലിയ തിരിച്ചടിയായിരിക്കുകയാണ്.
