റിയോ ഡി ജനീറോ : ഒളിംപിക്‌സ് വില്ലേജില്‍ വനിതാ ഡോക്ടറോട് അപമര്യാദയായി പെരുമാറിയ ഇന്ത്യന്‍ കോച്ചിനെ പോലീസ് അറസ്റ്റ് ചെയ്തു. ഇന്ത്യന്‍ കോച്ച് നിക്കോളായ് സ്‌നസരേവ് ആണ് അറസ്റ്റിലായത് . ബെലാറസ് രാജ്യക്കാരനാണ് ഇദ്ദേഹം . ഇന്ത്യന്‍ താരങ്ങളായ ഒ .പി ജെയ്ഷ , ലളിത ബാബര്‍ , സുധാ സിങ് എന്നിവരുടെ പരിശീലകനാണ് നിക്കോളായ് .

മാരത്തോണ്‍ മത്സരത്തിന് ശേഷം ക്ഷീണിതയായ  ഒ.പി ജെയ്ഷയെ ഒളിംപിക് വില്ലേജിലെ ആശുപത്രിയില്‍ എത്തിച്ചപ്പോഴായിരുന്നു സംഭവം .ഒ .പി ജെയ്ഷയ്‌ക്കൊപ്പം കോച്ചിനെ ആശുപത്രിയിലേക്ക് പ്രവേശിപ്പിക്കില്ലെന്ന് അവിടുത്തെ വനിതാ ഡോക്ടര്‍ പറഞ്ഞപ്പോള്‍  ദേഷ്യം പിടിച്ച നിക്കോളോയ് വനിതാ ഡോക്ടറെ പിടിച്ചുതള്ളിയെന്നും മോശമായി  സംസാരിച്ചുവെന്നും ആണ് കേസ് .