ലോകറെക്കോര്‍ഡ് പട്ടികയില്‍ ഇന്ത്യയുടെ പേര് കാത്ത് ഇന്ത്യയുടെ നീന്തല്‍ താരം ഭക്തി ശര്‍മ്മ. 1.4 മൈല്‍ ദൂരം 52 മിനിറ്റ് കൊണ്ടാണ് ഭക്തി പിന്നിട്ടത്. 2015 ജനുവരി 14 ന് അന്റാര്‍ട്ടിക്ക സമുദ്രത്തില്‍ ഒരു ഡിഗ്രി സെല്‍ഷ്യസ് താപനിലയിലായിരുന്നു മത്സരം.
ബ്രിട്ടീഷ് ഓപ്പണ്‍ നീന്തല്‍ താരം ലെവിസ് പഫിന്റെയും അമേരിക്കന്‍ താരം ലിന്നെ കോക്‌സിന്റെയും റെക്കോര്‍ഡ് തകര്‍ത്തിട്ടുണ്ട്. ഈ വിജയത്തിലെത്തുന്ന ഏറ്റവും പ്രായം കുറഞ്ഞയാളാണ് 26 കാരിയായ ഭക്തി. 2010 ല്‍ ടെന്‍സിങ് നോര്‍ഗെ നാഷനല്‍ അവഡ്വഞ്ചര്‍ അവാര്‍ഡിനും അര്‍ഹയായിട്ടുണ്ട്.