കാസർകോട്: വ്യാജരേഖ കേസിൽ പ്രതിയായ എസ്​.എഫ്​.ഐ നേതാവ്​ കാസർകോട്​ തൃക്കരിപ്പൂർ സ്വദേശി കെ. വിദ്യ ഒളിവിൽ. വിദ്യയെ അന്വേഷിച്ച്​ തൃക്കരിപ്പൂർ പൊലീസും അഗളി ​പൊലീസും വിദ്യയെ അന്വേഷിച്ച്​ വീട്ടിലെത്തിയെങ്കിലും വീട്​ പൂട്ടിയിട്ട നിലയിലായിരുന്നു. വിദ്യക്കെതിരെ കേസ്​ രജിസ്​റ്റർചെയ്​തിട്ട്​ നാല്​ ദിവസം പിന്നീട്ടിട്ടും പൊലീസിന്​ വിദ്യയെ കണ്ടെത്താനായിട്ടില്ല. എറണാകുളം മഹാരാജാസ് കോളജി​െൻറ പേരിൽ വ്യാജ പരിചയ സർട്ടിഫിക്കറ്റുണ്ടാക്കി പാലക്കാ​ട്ടെ കോളജിൽ ജോലിനേടാൻ ശ്രമിച്ചു എന്നാണ്​ വിദ്യക്കെതിരായ കേസ്​.
മൊഴിയെടുക്കാനും വ്യാജരേഖയുടെ ഒറിജിനൽ കസ്​റ്റഡിയിലെടുക്കാനുമാണ്​ പൊലീസ്​ വിദ്യയുടെ വീട്ടിലെത്തിയത്​. തൃക്കരിപ്പൂർ പൊലീസ് എത്തിയപ്പോൾ വീട് പൂട്ടിയ നിലയിലായതിനാൽ പൊലീസി​െൻറ ആവശ്യപ്രകാരം അടുത്തുള്ള ബന്ധു വീട് തുറന്നുകൊടുക്കുകയായിരുന്നു. വീട്ടിൽ ആരുമില്ലെന്ന്​ ബോധ്യപ്പെതോടെ പൊലീസ് സമീപത്തെ വീടുകളിൽ നിന്നും വിവരങ്ങൾ ശേഖരിച്ച്​ മടങ്ങി. 
അഗളി പൊലീസ് ഇൻസ്പെക്ടർ കെ.സലീമി​െൻറ നേതൃത്വത്തിലും തെളിവെടുപ്പ് നടന്നു. വിദ്യ എവിടെയെന്ന് സൂചനയില്ലെന്നും വ്യാജസർട്ടിഫിക്കറ്റി​െൻറ ഒറിജിനൽ കണ്ടെത്താനായില്ലെന്നും അഗളി പൊലീസ് പറഞ്ഞു.
അതേസമയം കാലടിയിൽ സംസ്കൃത സർവകലാശാലയുടെ ഒരു ഹോസ്റ്റലിൽ വിദ്യ ഒളിവിൽ താമസിക്കുന്നതെന്ന് ആരോപണമുയർന്നിട്ടുണ്ട്. പൊലീസ്​ നടപടി പ്രഹസനമാണെന്നും​ ആരോപണമുണ്ട്​.