• 07 Feb 2023
  • 03: 14 AM
Latest News arrow

വാ​ട്‌​സാ​പ് കോ​ളി​നും ഗൂഗിൾ മീറ്റിനും പി​ടി വീ​ഴും; ഇൻറർനെറ്റ് കോ​ളു​ക​ൾ​ക്ക് നി​യ​ന്ത്ര​ണ​മേ​ർ​പ്പെ​ടു​ത്തി​യേ​ക്കു​മെ​ന്ന് റി​പ്പോ​ർ​ട്ട്

ഇൻറർനെറ്റ് കോളിംഗ്, വാട്ട്‌സ്ആപ്പ്, സിഗ്നൽ, ഗൂഗിൾ മീറ്റ് തുടങ്ങിയ ആപ്പുകളെ നിയന്ത്രിക്കുന്നതിനുള്ള മാർഗ്ഗനിർദ്ദേശം തയ്യാറാക്കാൻ ടെ​ലി​കോം വ​കു​പ്പ് ടെ​ലി​കോം റെ​ഗു​ലേ​റ്റ​റി അ​തോ​റ​റ്റി​യു​ടെ(​ട്രാ​യി) അ​ഭി​പ്രാ​യം തേ​ടി. ഇന്‍റ​ര്‍​നെ​റ്റ് കോ​ളിം​ഗ് സൗ​ക​ര്യം ടെ​ലി​കോം ക​മ്പ​നി​ക​ളു​ടെ വ​രു​മാ​നം ന​ഷ്ട​പെ​ടു​ത്തു​മെ​ന്നും ഒ​രേ സേ​വ​ന​ത്തി​ന് ഒ​രേ ചാ​ര്‍​ജ് ഏ​ര്‍​പ്പെ​ടു​ത്ത​ണ​മെ​ന്നു​മാ​ണ് ആ​വ​ശ്യം.

ഇ​ന്‍റ​ര്‍​നെ​റ്റ് കോ​ള്‍ ന​ല്‍​കു​ന്ന വാ​ട്ട്സ്ആ​പ്പ് അടക്കമുള്ള ആ​പ്പു​ക​ളും ടെ​ലി​കോം സേ​വ​ന​ദാ​ത​ക്ക​ളും ന​ട​ത്തു​ന്ന​ത് ഒ​രേ സർവീസ് ആയതിനാൽ ടെ​ലി​കോം ക​മ്പ​നി​ക​ളെ​പോ​ലെ ആ​പ്പു​ക​ള്‍​ക്കും സ​ര്‍വീസ് ലൈ​സ​ന്‍​സ് ഫീ,​ മ​റ്റ് ച​ട്ട​ങ്ങ​ള്‍ എ​ന്നി​വ ബാ​ധ​ക​മാ​ക്ക​ണ​മെ​ന്നാ​ണ് ടെ​ലി​കോം ക​മ്പ​നി​ക​ള്‍ ഉ​ന്ന​യി​ക്കു​ന്ന ആ​വ​ശ്യം. ഇ​ത് കൂ​ടി പ​രി​ഗ​ണി​ച്ചാ​ണ് കേ​ന്ദ്ര​സ​ർ​ക്കാ​രി​ന്‍റെ നീ​ക്ക​മെ​ന്നാ​ണ് റി​പ്പോ​ർ​ട്ടു​ക​ൾ.

2016-17ലും നെറ്റ് ന്യൂട്രാലിറ്റി പ്രശ്നം റെഗുലേറ്ററും സർക്കാരും ചർച്ച ചെയ്തപ്പോൾ ടെലികോം ഓപ്പറേറ്റർമാർ ഈ പ്രശ്നം ഉന്നയിച്ചിരുന്നു. എന്നാൽ അന്ന് ആപ്പുകൾ നൽകുന്ന കോൾ, മെസേജിംഗ് സേവനങ്ങൾക്ക് സർക്കാർ ഒരു നിയന്ത്രണവും ഏർപ്പെടുത്തിയിട്ടില്ല.