കൊച്ചി: രണ്ടില ചിഹ്നം കേരള കോണ്‍ഗ്രസ് ജോസ് കെ മാണി വിഭാഗത്തിന് തന്നെ അനുവദിച്ചു. ജോസ് കെ മാണി വിഭാഗത്തിന് അനുകൂലമായ തെരഞ്ഞെടുപ്പ് കമ്മീഷന്റെ തീരുമാനം ശരിവെച്ചുകൊണ്ടാണ് ഹൈക്കോടതി ഡിവിഷന്‍ ബെഞ്ചിന്റെ ഉത്തരവ്. സിംഗിള്‍ ബെഞ്ച് വിധിയ്‌ക്കെതിരായ പിജെ ജോസഫ് വിഭാഗത്തിന്റെ അപ്പീല്‍ തള്ളിക്കൊണ്ടാണ് കോടതി ഉത്തരവ് പുറപ്പെടുവിച്ചിരിക്കുന്നത്.

തെരഞ്ഞെടുപ്പ് കമ്മീഷന്റെ തീരുമാനത്തില്‍ ഇടപെടാന്‍ കഴിയില്ലെന്ന് കോടതി വ്യക്തമാക്കി. കേരള കോണ്‍ഗ്രസ എം എന്ന പാര്‍ട്ടിയും രണ്ടില ചിഹ്നവും ജോസ് കെ മാണിയ്ക്ക് അവകാശപ്പെട്ടതാണെന്ന കമ്മീഷന്‍ തീരുമാനം കോടതി അംഗീകരിച്ചു. കോടതി ഉത്തരവ് പാര്‍ട്ടിയ്ക്ക് വലിയ കരുത്ത് പകരുന്നതാണെന്ന് ജോസ് കെ മാണി പ്രതികരിച്ചു.