• 06 Mar 2021
  • 11: 16 PM
Latest News arrow

എട്ട് മാസങ്ങള്‍ക്ക് ശേഷം ചൈന സമ്മതിച്ചു; ''ഗല്‍വാന്‍ ഏറ്റുമുട്ടലില്‍ 4 സൈനികര്‍ കൊല്ലപ്പെട്ടു''

ന്യൂഡല്‍ഹി: അതിര്‍ത്തി പ്രദേശമായ ലഡാക്കിലെ ഗല്‍വാന്‍ താഴ്‌വരയില്‍ നടന്ന ഇന്ത്യ-ചൈന ഏറ്റുമുട്ടലില്‍ തങ്ങളുടെ സൈനികര്‍ മരിച്ചെന്ന് സമ്മതിച്ച് ചൈന. നാല് സൈനികര്‍ കൊല്ലപ്പെട്ടുവെന്നാണ് ചൈന എട്ട് മാസങ്ങള്‍ക്ക് ശേഷം സമ്മതിച്ചിരിക്കുന്നത്. മരിച്ച നാല് സൈനികരുടെ പേര് വിവരങ്ങളും ചൈന പുറത്തുവിട്ടു. ഈ നാല് പേര്‍ക്കും മരണാനന്തര ബഹുമതിയും ചൈന പ്രഖ്യാപിച്ചിട്ടുണ്ട്. ഇതാദ്യമായാണ് തങ്ങളുടെ സൈനികര്‍ മരിച്ചെന്ന് ചൈന ഔദ്യോഗികമായി സ്ഥിരീകരിക്കുന്നത്.

ഗല്‍വാനിലുണ്ടായ ചൈനീസ് പ്രകോപനത്തിലും സംഘര്‍ഷത്തിലും 20 ഇന്ത്യന്‍ സൈനികര്‍ വീരമൃത്യു വരിച്ചിരുന്നു. നേരത്തെ കേന്ദ്രമന്ത്രിമാരടക്കം ചൈനയുടെ സൈനികരെ വധിച്ചതായി പ്രതികരിച്ചെങ്കിലും ചൈന ഇക്കാര്യത്തില്‍ പ്രതികരിച്ചിരുന്നില്ല. അമേരിക്കന്‍-റഷ്യന്‍ രഹസ്യാന്വേഷണ ഏജന്‍സികള്‍ നാല്‍പ്പതോളം ചൈനീസ് സൈനികര്‍ മരിച്ചിട്ടുണ്ടെന്ന് പുറത്തുവിട്ടിരുന്നു. എന്നാല്‍ ഇക്കാര്യത്തിലും ചൈന സ്ഥിരീകരണം നല്‍കിയിരുന്നില്ല.