ഫെയ്സ്ബുക്കില് രാഷ്ട്രീയത്തിന് കടിഞ്ഞാണ്; രാഷ്ട്രീയ പോസ്റ്റുകളുടെ റീച്ച് കുറയ്ക്കും

ന്യൂയോര്ക്ക്: ക്യാപിറ്റോള് പ്രക്ഷോഭത്തിന്റെ പശ്ചാത്തലത്തില് രാഷ്ട്രീയ ചര്ച്ചകള്ക്ക് നിയന്ത്രണമേര്പ്പെടുത്താനൊരുങ്ങി ഫെയ്സ്ബുക്ക്. ന്യൂസ്ഫീഡില് രാഷ്ട്രീയം കുറയ്ക്കും. ആളുകള് തമ്മിലുള്ള അഭിപ്രായ ഭിന്നതകള് ഒഴിവാക്കുന്നതിന്റെ ഭാഗമായി രാഷ്ട്രീയ പോസ്റ്റുകളുടെ റീച്ച് കുറയ്ക്കുമെന്നും ഫെയ്സ്ബുക്ക് മേധാവി മാര്ക്ക് സക്കര്ബര്ഗ് വ്യക്തമാക്കി. വ്യക്തികള് രാഷ്ട്രീയ ഗ്രൂപ്പുകളില് അംഗമാകുന്നത് പ്രോത്സാഹിപ്പിക്കില്ലെന്നും സക്കര്ബര്ഗ് പറഞ്ഞു.
ഗ്രൂപ്പ് സജഷനുകളില് നിന്ന് രാഷ്ട്രീയ ഗ്രൂപ്പുകളെ ഒഴിവാക്കും. രാഷ്ട്രീയ ഭിന്നത പ്രചരിപ്പിക്കുന്ന ചര്ച്ചകള് കുറയ്ക്കുമെന്നും സക്കര്ബര്ഗ് വ്യക്തമാക്കി. അല്ഗോരിതത്തില് ഇതിനായുള്ള മാറ്റങ്ങള് വരുത്തും. ക്യാപിറ്റോള് കലാപത്തിന് ശേഷം അമേരിക്കയിലെ ഫെയ്സ്ബുക്ക് ഉപയോക്താക്കള്ക്ക് ഈ മാറ്റങ്ങള് നടപ്പാക്കിയിരുന്നു. ഇത് ലോകമെങ്ങും വ്യാപിപ്പിക്കാനാണ് ഇപ്പോഴത്തെ തീരുമാനം. രാഷ്ട്രീയ വിവാദങ്ങളിലൂടെ കലാപമുണ്ടാക്കുന്നതായി ഫെയ്സ്ബുക്കിനെതിരെ വിവിധ രാജ്യങ്ങളില് പരാതി ഉയര്ന്നിരുന്നു.
എന്നാല് ഉപയോക്താക്കള് ആഗ്രഹിക്കുകയാണെങ്കില് രാഷ്ട്രീയ ഗ്രൂപ്പുകളിലും ചര്ച്ചകളിലും ഭാഗമാകുന്നതിന് സാധിക്കുമെന്നും സക്കര്ബര്ഗ് പറഞ്ഞു.
''അനീതിയ്ക്കെതിരെ സംസാരിക്കുന്നതിനോ, വ്യത്യസ്ത കാഴ്ചപ്പാടുകളുള്ള ആളുകളില് നിന്ന് കൂടുതല് കാര്യങ്ങള് പഠിക്കുന്നതിനോ ഇത്തരം ചര്ച്ചകള് സഹായകമാകാം. എന്നാല് രാഷ്ട്രീയമോ, പോരാട്ടമോ ഞങ്ങളുടെ സേവനങ്ങളില് നിന്ന് ഉപയോക്താക്കളുടെ അനുഭവങ്ങളെ കീഴക്കുന്നതിനോട് താല്പ്പര്യമില്ലെന്നാണ് ഞങ്ങളുടെ കമ്മ്യൂണിറ്റിയില് നിന്ന് ലഭിച്ച പ്രധാന പ്രതികരണം.'' സക്കര്ബര്ഗ് പറഞ്ഞു.
- ‘ലിവ്-ഇന്’ ബന്ധങ്ങള് ഭാവിയില് പ്രശ്നങ്ങള് സൃഷ്ടിക്കുമെന്ന് അലഹബാദ് ഹൈക്കോടതി
- മലങ്കര മൾട്ടി സ്റ്റേറ്റ് കോ. ഓപ്പറേറ്റീവ് ക്രെഡിറ്റ് സൊസൈറ്റി ലാഭവിഹിതം വിതരണം ചെയ്തു
- സമൂസ നിർമ്മിക്കുന്ന യന്ത്രത്തിന് കുഴപ്പം; രണ്ട് ലക്ഷം നഷ്ടപരിഹാരം നൽകാൻ വിധി
- കേന്ദ്രം കനിഞ്ഞാൽ ബൈക്കിൽ കുഞ്ഞുമായി സഞ്ചരിക്കാം
- ബി.ജെ.പിക്ക് സ്തുതിയായിരിക്കട്ടെ