• 18 Jan 2021
  • 08: 45 AM
Latest News arrow

ഇന്ധന വില കുതിക്കുന്നു; തുടര്‍ച്ചയായ ആറാം ദിവസവും വര്‍ധന

കൊച്ചി: രാജ്യത്ത് ഇന്ധന വില കുതിയ്ക്കുന്നു. പെട്രോള്‍ ഡീസല്‍ വിലയില്‍ ഇന്നും വര്‍ധനയുണ്ടായി. കൊച്ചിയിലെ പെട്രോള്‍ വില 21 പൈസയും ഡീസല്‍ വില 31 പൈസയും കൂടി. തുടര്‍ച്ചയായ ആറാം ദിവസമാണ് രാജ്യത്ത് ഇന്ധന വില വര്‍ധിക്കുന്നത്. അന്താരാഷ്ട്ര വിപണിയില്‍ വില കൂടിയതാണ് കാരണമെന്ന് കമ്പനികള്‍ പറയുന്നു. ഒമ്പത് ദിവസത്തിനിടെ രാജ്യത്തെ ഡീസല്‍ വില 1.80 രൂപ കൂടി. പെട്രോള്‍ വിലയില്‍ 1.12 രൂപയുടെ വര്‍ധനവും ഉണ്ടായി. കൊച്ചിയില്‍ ഇന്ന് പെട്രോള്‍ വില 82.54 രൂപയും ഡീസല്‍ വില 76.44 രൂപയുമാണ്.