• 26 Nov 2020
  • 08: 10 PM
Latest News arrow

ഇബ്രാഹിം കുഞ്ഞിന് ഇന്ന് നിര്‍ണായക ദിനം; ആരോഗ്യപരിശോധന റിപ്പോര്‍ട്ട് വിദഗ്ധ സംഘം തയ്യാറാക്കും

കൊച്ചി: പാലാരിവട്ടം പാലം അഴിമതിക്കേസില്‍ അറസ്റ്റിലായ മുന്‍ മന്ത്രി വികെ ഇബ്രാഹിംകുഞ്ഞിന്റെ ആരോഗ്യ പരിശോധന റിപ്പോര്‍ട്ട് ഇന്ന് തയ്യാറാകും. വിദഗ്ധസംഘം റിപ്പോര്‍ട്ട് നാളെ ഡിഎംഒയ്ക്ക് കൈമാറും. മൂവാറ്റുപുഴ വിജിലന്‍സ് കോടതി ചൊവ്വാഴ്ചയാകും റിപ്പോര്‍ട്ട് പരിഗണിക്കുക. ഈ റിപ്പോര്‍ട്ട് കിട്ടിയ ശേഷമാകും ഇബ്രാഹിംകുഞ്ഞിന്റെ ജാമ്യാപേക്ഷയും വിജിലന്‍സിന്റെ കസ്റ്റഡി അപേക്ഷയും കോടതി പരിഗണിക്കുന്നത്. വിജിലന്‍സ് കോടതിയുടെ നിര്‍ദേശ പ്രകാരം രൂപീകരിച്ച മെഡിക്കല്‍ ബോര്‍ഡ് ഇന്നലെയാണ് കൊച്ചിയിലെ ലെയ്ക്ക് ഷോര്‍ ആശുപത്രിയിലെത്തി ഇബ്രാഹിംകുഞ്ഞിന്റെ ആരോഗ്യ നില പരിശോധിച്ചത്.