പാരിസ്: ഫ്രഞ്ച് ഓപ്പണ്‍ പുരുഷ ഫൈനലില്‍ സെര്‍ബിയയുടെ ലോക ഒന്നാം നമ്പര്‍ താരം നൊവാക് ജോക്കോവിച്ചിനെ തോല്‍പ്പിച്ച് റാഫേല്‍ നദാല്‍ 13-ാം കിരീടം സ്വന്തമാക്കി. ഏകപക്ഷീയമായിരുന്ന മത്സരത്തില്‍ 2 മണിക്കൂറും 43 മിനിറ്റും കൊണ്ടാണ് ജോക്കോവിച്ചിനെ നദാല്‍ മറികടന്നത്. സ്‌കോര്‍ 6-0, 6-2, 7-5

ഇതോടെ സ്വിസ് താരം റോജര്‍ ഫെഡററുടെ 20 ഗ്രാന്‍ഡ്സ്ലാം വിജയങ്ങളെന്ന റെക്കോര്‍ഡിനൊപ്പമെത്തി നദാല്‍. നദാലിന്റെ തുടര്‍ച്ചയായ നാലാം ഫ്രഞ്ച് ഓപ്പണ്‍ കിരീടമാണിത്. ഫ്രഞ്ച് ഓപ്പണില്‍ 100 വിജയങ്ങളെന്ന റെക്കോര്‍ഡും ഇതോടെ നദാല്‍ സ്വന്തമാക്കി.