• 07 Aug 2020
  • 06: 06 AM
Latest News arrow

അഴിമതിയാരോപണം: ശിവശങ്കറിനെതിരെ അന്വേഷണത്തിന് അനുമതി തേടി വിജിലന്‍സ്‌

തിരുവനന്തപുരം: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെതിരെ അഴിമതിയാരോപണത്തില്‍ അന്വേഷണം നടത്താന്‍ അനുമതി തേടി വിജിലന്‍സ്. അഴിമതി നിരോധന നിയമ ഭേദഗതി പ്രകാരം അന്വേഷണം നടത്താന്‍ സര്‍ക്കാരിനോടാണ് വിജിലന്‍സ് അനുമതി തേടിയിരിക്കുന്നത്. പ്രതിപക്ഷ നേതാവ് രമേശ് ചെന്നിത്തലയടക്കമുള്ളവര്‍ നല്‍കിയ പരാതിയുടെ അടിസ്ഥാനത്തിലാണ് വിജിലന്‍സിന്റെ നടപടി.

അഴിമതി നിരോധന നിയമ ഭേദഗതി 17 (എ) പ്രകാരം മന്ത്രിമാര്‍, എംഎല്‍എമാര്‍, മുതിര്‍ന്ന ഉദ്യോഗസ്ഥര്‍ എന്നിവര്‍ക്കെതിരെ അന്വേഷണം നടത്തണമെങ്കില്‍ സര്‍ക്കാരിന്റെ അനുമതി ആവശ്യമാണ്. ഇതിനായി ശിവശങ്കറിനെതിരായ പരാതി ഫയലാക്കി അന്വേഷണത്തിന് അനുമതി തേടി വിജിലന്‍സ് ഡയറക്ടര്‍ അനില്‍കാന്ത്, ആഭ്യന്തര വകുപ്പ് അഡീഷണല്‍ ചീഫ് സെക്രട്ടറിയ്ക്ക് കൈമാറി. സര്‍ക്കാര്‍ അനുമതി നല്‍കിയാല്‍ വിജിലന്‍സ് അന്വേഷണം തുടങ്ങും.

 

Editors Choice