ന്യൂഡല്‍ഹി: വലിയ ഫയലുകള്‍ ഇന്റര്‍നെറ്റ് വഴി കൈമാറുന്നതിനായി ഉപയോഗിക്കുന്ന ഫയല്‍ ഷെയറിങ് വെബ്‌സൈറ്റായ വി ട്രാന്‍സ്ഫര്‍.കോമിന് ഇന്ത്യയില്‍ നിരോധനം ഏര്‍പ്പെടുത്തുന്നു. രാജ്യതാല്‍പ്പര്യവും പൊതുതാല്‍പ്പര്യവും കണക്കിലെടുത്താണ് തീരുമാനം. വി ട്രാന്‍സ്ഫറുമായി ബന്ധപ്പെട്ട മൂന്ന് യുആര്‍എല്ലുകള്‍ നീക്കം ചെയ്യണമെന്നാവശ്യപ്പെട്ട് രാജ്യത്തെ വിവിധ ടെലികോം സേവന ദാതാക്കള്‍ക്ക് ടെലികോം മന്ത്രാലയം നോട്ടീസ് അയച്ചതായാണ് റിപ്പോര്‍ട്ട്. 

ലോക്ക്ഡൗണിന്റെ പശ്ചാത്തലത്തില്‍ ആളുകള്‍ വീട്ടിലിരുന്ന് ജോലി ചെയ്യുന്നതിന്റെ പശ്ചാത്തലത്തില്‍ വി ട്രാന്‍സ്ഫറിന്റെ ഉപയോഗത്തില്‍ വലിയ വര്‍ധനവുണ്ടായിരുന്നു. വി ട്രാന്‍സ്ഫര്‍ വഴി രണ്ട് ജിബി വരെയുള്ള ഫയലുകള്‍ ട്രാന്‍സ്ഫര്‍ ചെയ്യാന്‍ കഴിയുമായിരുന്നു.

എന്തുകൊണ്ടാണ് വി ട്രാന്‍സ്ഫറിന് നിരോധനമേര്‍പ്പെടുത്തുന്നതെന്ന് കേന്ദ്ര സര്‍ക്കാര്‍ കൃത്യമായ വിശദീകരണം നല്‍കുന്നില്ല.