• 26 Nov 2020
  • 08: 26 PM
Latest News arrow

വനിതാ ടി20 ലോകകപ്പ്: സെമിയിൽ ഇന്ത്യയുടെ എതിരാളി ഇംഗ്ലണ്ട്

മെല്‍ബണ്‍: വനിതകളുടെ ടി20 ലോകകപ്പ് ക്രിക്കറ്റിന്റെ സെമി ഫൈനലില്‍ ഇന്ത്യയുടെ എതിരാളി ഇംഗ്ലണ്ട്. മറ്റൊരു സെമിയില്‍ ദക്ഷിണാഫ്രിക്ക ഓസ്‌ട്രേലിയയെയും നേരിടും.

വ്യാഴാഴ്ചയാണ് രണ്ട് സെമിഫൈനലുകളും നടക്കുക.

ഇന്ന് (ചൊവ്വാഴ്ച) നടക്കേണ്ടിയിരുന്ന വെസ്റ്റിൻഡീസ്- ദക്ഷിണാഫ്രിക്ക മത്സരം മഴമൂലം ഉപേക്ഷിച്ചതോടെ ദക്ഷിണാഫ്രിക്ക ബി ഗ്രൂപ്പില്‍ ചാമ്പ്യന്‍മാരാവുകയായിരുന്നു. ഇംഗ്ലണ്ട് രണ്ടാം സ്ഥാനത്തും ഫിനിഷ് ചെയ്തു. ഏഴ് പോയിന്റാണ് ദക്ഷിണാഫ്രിക്കയ്ക്കുള്ളത്. ഇംഗ്ലണ്ടിന് ആറ് പോയിന്റും.

എ ഗ്രൂപ്പില്‍ ചാമ്പ്യന്മാരായ ഇന്ത്യ നാലില്‍ നാലും ജയിച്ച് എട്ട് പോയിന്റ് നേടിയിട്ടുണ്ട്. രണ്ടാമതായി ഫിനിഷ് ചെയ്ത ഓസ്‌ട്രേലിയയ്ക്ക് ആറ് പോയിന്റും ലഭിച്ചു.