കാഠ്‌മണ്ഡു (നേപ്പാൾ ): പതിമൂന്നാമത് ദക്ഷിണേഷ്യൻ ഗെയിംസ് അവസാന ദിനത്തോടടുക്കുമ്പോൾ ഇന്ത്യ 27 സ്വർണ്ണം ഉൾപ്പെടെ 42 മെഡലുകൾ നേടി. ഇതോടെ 294 മെഡലുകൾ നേടിയ ഇന്ത്യ മെഡൽ പട്ടികയിൽ ഒന്നാം സ്ഥാനത്ത് തുടരുകയാണ്. തുടർച്ചയായി 13-ാം തവണയാണ് ദക്ഷിണേഷ്യൻ ഗെയിംസിൽ ഇന്ത്യ ഒന്നാം സ്ഥാനത്തെത്തുന്നത്.  2016-ൽ നടന്ന ഗെയിംസിൽ ഇന്ത്യ നേടിയത് 309 മെഡലുകളായിരുന്നു. ഏഴ് ബോക്സിംഗ് ഫൈനലുകൾ ഉൾപ്പെടെ ഏതാനും ഇവന്റുകൾ  ഇന്ന് (ചൊവ്വാഴ്ച) സമാപന ദിവസത്തിൽ നടക്കുന്നുണ്ട്.

എട്ടാം ദിവസം അവസാനിക്കുമ്പോൾ ഇന്ത്യൻ അത്‌ലറ്റുകൾ 12 വെള്ളിയും 3 വെങ്കലവും നേടി. ഇതോടെ 159 സ്വർണ്ണം, 91 വെള്ളി, 44 വെങ്കലം എന്നിങ്ങനെ മൊത്തം  294 മെഡലുകൾ നേടി ഇന്ത്യ. ശ്രീലങ്ക 236 മെഡലുകളും  ആതിഥേയരായ നേപ്പാൾ 195 മെഡലുകളും നേടി .

ആറ് സ്വർണവും ഒരു വെള്ളിയും ബോക്‌സർമാർ തിങ്കളാഴ്ച ഇന്ത്യക്ക്  നൽകി.

ഗുസ്തിയിൽ  ഇന്ത്യ പുരുഷന്മാരുടെയും സ്ത്രീകളുടെയും ഇവന്റുകളിൽ ഏഴ് സ്വർണ്ണ മെഡലുകൾ വീതം നേടി.

ഷൂട്ടിംഗിൽ ആകെ 20 സ്വർണ്ണ മെഡലുകളിൽ 18 സ്വർണ്ണവും ഇന്ത്യ നേടി.