ബാഴ്‌സലോണ: യൂറോപ്യന്‍ ലീഗുകളിലെ മികച്ച ഗോള്‍ നേട്ടക്കാരനുള്ള 'ഗോള്‍ഡന്‍ ഷൂ' പുരസ്‌കാരം ബാഴ്‌സലോണയുടെ സൂപ്പര്‍ താരം ലയണല്‍ മെസ്സി സ്വന്തമാക്കി. തുടര്‍ച്ചയായ മൂന്നാം വര്‍ഷമാണ് മെസ്സി 'യൂറോപ്യന്‍ ഗോള്‍ഡന്‍ ഷൂ' കരസ്ഥമാക്കുന്നത്. ഇത് ആറാം തവണയാണ് മെസ്സി 'ഗോള്‍ഡന്‍ ഷൂ' പുരസ്‌കാരത്തിന് അര്‍ഹനാകുന്നത്. 

2018-19 ലാലിഗ സീസണില്‍ മെസ്സി 36 ഗോളുകള്‍ നേടിയിരുന്നു. പി.എസ്.ജിയുടെ കിലിയന്‍ എംബപ്പെയെ മറികടന്നാണ് മെസ്സി പുരസ്‌കാരം സ്വന്തമാക്കിയത്. 

ഏറ്റവും കൂടുതല്‍ തവണ 'യൂറോപ്യന്‍ ഗോള്‍ഡന്‍ ഷൂ' നേടുന്ന താരമെന്ന നേട്ടം കഴിഞ്ഞ തവണ തന്നെ മെസ്സി കരസ്ഥമാക്കിയിരുന്നു. നാലു തവണ ഈ പുരസ്‌കാരം നേടിയ ക്രിസ്റ്റ്യാനോ റൊണാള്‍ഡോയാണ് തൊട്ടു പിന്നിൽ.