ന്യൂദൽഹി: സെപ്തംബർ 27 മുതൽ ഒക്ടോബർ 6 വരെ ഖത്തറിലെ ദോഹയിൽ നടക്കുന്ന ലോക അത്‌ലറ്റിക്  ചാമ്പ്യന്‍ഷിപ്പിനുള്ള ഇന്ത്യൻ ടീമിൽ പി യു ചിത്ര ഉള്‍പ്പെടെ 12 മലയാളി താരങ്ങള്‍ ഇടം നേടി. 1500 മീറ്ററിലെ  ഏഷ്യന്‍ ചാമ്പ്യന്‍ എന്ന നിലയിലാണ് ചിത്രയെ ലോക ചാമ്പ്യന്‍ഷിപ്പിനുള്ള ടീമില്‍ ഉള്‍പ്പെടുത്തിയത്. കഴിഞ്ഞ വര്‍ഷം ചിത്രയെ ചാമ്പ്യൻഷിപ്പിൽ നിന്ന് ഒഴിവാക്കിയ നടപടി വിവാദമായിരുന്നു. ജിന്‍സണ്‍, അനസ്, ഗോപി കെ.ടി.ഇര്‍ഫാന്‍ എന്നിവരും ടീമിൽ ഉൾപ്പെട്ടിട്ടുണ്ട്.

ജാവലിന്‍ താരം നീരജ് ചോപ്രയും വനിതാ റിലേ ടീമില്‍ സരിതാ ബെന്‍ ഗെയ്ക്‌വാദും ഉൾപ്പെട്ടിട്ടില്ല.

ലോക അത്‌ലറ്റിക് ചാമ്പ്യന്‍ഷിപ്പിനുള്ള ഇന്ത്യന്‍ പുരുഷ ടീം: എം പി ജാബിര്‍ (400 മീ ഹര്‍ഡില്‍സ്), ജിന്‍സണ്‍ ജോണ്‍സണ്‍ (1500 മീ), അവിനാശ് സാബ്‌ലെ (3000 മീ സ്റ്റീപ്പിള്‍ ചേസ്), കെ ടി ഇര്‍ഫാന്‍, ദേവേന്ദര്‍ സിംഗ് (20 കി. മി. നടത്തം), ടി.ഗോപി (മാരത്തണ്‍), എം.ശ്രീശങ്കര്‍ (ലോംഗ് ജംപ്), തജീന്ദര്‍ പാല്‍ സിംഗ് തൂര്‍ (ഷോട്ട് പുട്ട്), ശിവ്‌പാല്‍ സിംഗ് (ജാവലിന്‍ ത്രോ), മുഹമ്മദ് അനസ്, നിര്‍മല്‍ നോഹ ടോം, അലക്സ് ആന്റണി, ഓമോജ് ജേക്കബ്, കെ എസ്‍ ജീവന്‍, ധരുണ്‍ അയ്യസ്വാമി, ഹര്‍ഷ കുമാര്‍ (4*400 റിലേ, മിക്സഡ് റിലേ).

ലോക അത്‌ലറ്റിക് ചാമ്പ്യന്‍ഷിപ്പിനുള്ള ഇന്ത്യന്‍ വനിതാ ടീം: പി യു ചിത്ര (1500 മീ), അന്നു റാണി (ജാവലിന്‍ ത്രോ), ഹിമ ദാസ്, വി കെ വിസ്മയ, എം ആര്‍ പൂവമ്മ, എം ആര്‍ ജിസ്ന മാത്യു, വി രേവതി, ശുഭ വെങ്കടേശന്‍, ആര്‍, വിദ്യ (4*400 റിലേ, മിക്സഡ് റിലേ)