• 23 Sep 2019
  • 07: 17 AM
Latest News arrow

യുഎസ് ഓപ്പൺ: നദാലും സെറീനയും സെമിയിൽ

ന്യൂയോര്‍ക്ക്: ലോക ടെന്നീസ് റാങ്കിങ്ങിലെ രണ്ടാം നമ്പറും സ്പാനിഷ് താരവുമായ  റഫേല്‍ നദാല്‍ യുഎസ് ഓപ്പൺ ടെന്നീസ് ടൂർണമെന്റിന്റെ സെമിയിൽ കടന്നു.  അര്‍ജന്റീനയുടെ ഡിയേഗോ ഷ്വാര്‍ട്‌സ്മാനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ്  റഫേല്‍ നദാല്‍ സെമിയില്‍ പ്രവേശിച്ചത്. സ്‌കോര്‍: 4-6, 5-7, 2-6.

സെമിയില്‍ ഇറ്റലിയുടെ മാറ്റിയോ ബറേറ്റിനിയെ  നദാൽ എതിരിടും.

ഫ്രഞ്ച് താരം ഗയേല്‍ മോണ്‍ഫില്‍സിനെ അഞ്ച് സെറ്റ് നീണ്ട പോരാട്ടത്തില്‍ തോല്‍പ്പിച്ചാണ്  മാറ്റിയോ ബറേറ്റിനി സെമിയിലെത്തിയത്. സ്‌കോര്‍: 3-6, 6-3, 6-2, 3-6, 7-5.

മറ്റൊരു സെമിയില്‍ ബള്‍ഗേറിയയുടെ ഗ്രിഗര്‍ ദിമിത്രോവ് റഷ്യയുടെ ഡാനില്‍ മെദ്‌വെദേവിനെ നേരിടും.  ക്വാര്‍ട്ടറില്‍ ലോകറാങ്കിങ്ങിൽ മൂന്നാം നമ്പറായ സ്വിസ് താരം റോജര്‍ ഫെഡററെ അട്ടിമറിച്ചാണ്  ഗ്രിഗര്‍ ദിമിത്രോവ് സെമിയിലെത്തിയത്. അഞ്ച് സെറ്റ് നീണ്ട പോരാട്ടത്തില്‍  ഫെഡറര്‍ അടിയറവ് പറയുകയായിരുന്നു. സ്‌കോര്‍: 6-3, 4-6, 6-3, 4-6, 2-6.  ഇതോടെ ഗ്രാന്‍ഡ്സ്ലാം കിരീടങ്ങളില്ലാതെ ഫെഡറര്‍ക്ക് ഈ സീസണ്‍ അവസാനിപ്പിക്കേണ്ടി വന്നു.

വനിതകളുടെ സെമിയില്‍ ഉക്രെയ്ന്‍ താരം എലേന സ്വിറ്റോളിന ലോക റാങ്കിങ്ങിൽ ഒന്നാമതുള്ള യുഎസിന്റെ സെറീന വില്യംസിനെ നേരിടും. ചൈനയുടെ വാങ് ക്വിയാങ്ങിനെ നേരിട്ടുള്ള സെറ്റുകള്‍ക്ക് തോൽപ്പിച്ചാണ്  സെറീന സെമിയിലെത്തിയത്. സ്‌കോര്‍: 6-1, 6-0.

മറ്റൊരു സെമിയില്‍ സ്വിറ്റ്‌സര്‍ലന്‍ഡിന്റെ ബെലിന്‍ഡ ബെന്‍സിസ് കാനഡയുടെ ബിയാന്‍ക അന്‍ഡ്രീസ്‌കുവിനെ നേരിടും.