ഗു​രു​വാ​യൂ​ർ: ഒരു പേരിലെന്തിരിക്കുന്നു എന്ന് കാലങ്ങളായി പലരും ചോദിക്കുന്നതാണ്. എന്നാൽ ഒരു പേരിൽ എല്ലാം അടങ്ങിയിരിക്കുന്നു എന്നാണ് എ​ൽ.​ഡി.​എ​ഫ് ഭ​രി​ക്കു​ന്ന ഗു​രു​വാ​യൂ​ർ നഗരസഭയിലെ ഉദ്യോഗസ്ഥർ പറയുന്നത്. ഒരാളെ  ഹിന്ദു, മുസ്ലിം, ക്രിസ്ത്യൻ എന്നിങ്ങനെയൊക്കെ പേരുകൊണ്ട് തരം തിരിക്കാവുന്ന ഒരു കാലത്താണോ നാം ജീവിക്കുന്നത് എന്നൊരു ചോദ്യം ഗുരുവായൂരിൽ നിന്നുള്ള ഈ വർത്തമാനം കേൾക്കുമ്പോൾ ആർക്കായാലും തോന്നാം.

പ​രേ​ത​നാ​യ  പ്ര​മു​ഖ മാ​ദ്ധ്യമ​പ്ര​വ​ർ​ത്ത​ക​ൻ കെ. ​ജ​യ​ച​ന്ദ്രന്റെയും അ​ഡ്വ. ആ​ന​ന്ദ​ക​ന​ക​ത്തിന്റെ​യും മ​കളുടെ പേര് ക്രി​സ്​​റ്റീ​ന എ​മ്പ്രസ് എന്നാണ്. ആ​ഗ​സ്​​റ്റ്​ 24-നാ​ണ്​ ഗു​രു​വാ​യൂ​ർ ക്ഷേ​ത്ര​സ​ന്നി​ധി​ൽ ക്രി​സ്​​റ്റീ​ന​യു​ടെ​യും ദീപക് രാ​ജി​ന്റെ​യും വി​വാ​ഹം ന​ട​ന്ന​ത്. വി​വാ​ഹ​സൽക്കാരം ഗുരുവായൂരും കോഴിക്കോട്ടുമായിരുന്നു.  എല്ലാം കഴിഞ്ഞു വിവാഹസർട്ടിഫിക്കറ്റിനായി നഗരസഭയെ സമീപിച്ചപ്പോഴായിരുന്നു 'ക്രി​സ്​​റ്റീ​ന' എന്ന പേര് നഗരസഭാ ഉദ്യോഗസ്ഥരുടെ കണ്ണിലുടക്കിയത്. ഇ​താ​ണ് പേ​രെ​ങ്കി​ൽ ഹി​ന്ദു​വാ​ണെ​ന്ന് തെ​ളി​യി​ക്കു​ന്ന രേ​ഖ വേ​ണ​മെ​ന്ന്​ വി​വാ​ഹ ര​ജി​സ്ട്രേ​ഷ​ൻ വി​ഭാ​ഗം ആ​വ​ശ്യ​പ്പെ​ട്ടു. വി​വാ​ഹം ര​ജി​സ്​​റ്റ​ർ ചെ​യ്യാ​ൻ ആ​വ​ശ്യ​മാ​യ രേ​ഖ​ക​ള​ട​ക്ക​മാ​ണ് എ​ത്തി​യ​തെ​ങ്കി​ലും മ​തം കാ​ണി​ക്കു​ന്ന രേ​ഖ ഇവരുടെ കയ്യിൽ ഉ​ണ്ടാ​യി​രു​ന്നി​ല്ല. തി​രി​ച്ച​റി​യ​ൽ രേ​ഖ​യാ​യി ക്രി​സ്​​റ്റീ​ന കൊ​ണ്ടു​വ​ന്ന​ത് പാ​സ്പോ​ർ​ട്ടിന്റെ ​പ​ക​ർ​പ്പ്​ ആ​ണ്.

സാ​ക്ഷി​യാ​യി എ​ത്തി​യത് ജയചന്ദ്രന്റെ സുഹൃത്ത് കൂടിയായ വേ​ണു എ​ട​ക്ക​ഴി​യൂ​രാണ്. അദ്ദേഹവും നഗരസഭാ കൗ​ൺ​സി​ല​ർ സു​രേ​ഷ് വാ​ര്യരും ര​ജി​സ്ട്രേ​ഷ​ൻ വി​ഭാ​ഗ​ത്തി​ലു​ള്ള​വ​രോ​ട് സം​സാ​രി​ച്ചി​ട്ടും കാ​ര്യ​മൊന്നുമുണ്ടായില്ല. വിവാഹ രജിസ്‌ട്രേഷൻ അപേക്ഷയുമായി ബന്ധപ്പെട്ട് എന്തെങ്കിലും സംശയങ്ങളുണ്ടായാൽ മാറ്റിവെയ്ക്കാനുള്ള വിവേചനാധികാരമുണ്ടെന്നാണ് ഉദ്യോഗസ്ഥൻ പ്രതികരിച്ചത്. ഗുരുവായൂർ എം.​എ​ൽ.​എ  കെ.​വി. അ​ബ്​​ദു​ൽ ഖാ​ദ​ർ ന​ഗ​ര​സഭാ അ​ധി​കാ​രി​ക​ളെ ബ​ന്ധ​പ്പെ​ടാ​ൻ ശ്ര​മി​ച്ചിട്ടും ക​ഴി​ഞ്ഞി​ല്ല. ഒ​ടു​വി​ൽ വി​വാ​ഹം ര​ജി​സ്​​റ്റ​ർ ചെ​യ്യാ​തെ ന​വ​ദ​മ്പ​തി​ക​ൾ കോ​ഴി​ക്കോ​ട്ടേ​ക്ക് മ​ടങ്ങുകയായിരുന്നു. ഇ​നി ഹി​ന്ദു​വെ​ന്ന് തെ​ളി​യി​ക്കു​ന്ന രേ​ഖ​ക​ളു​മാ​യെ​ത്തി വേ​ണം ര​ജി​സ്​​റ്റ​ർ ചെ​യ്യാ​ൻ. അതിനിടെ ചൊവ്വാഴ്‌ചത്തെ ഗുരുവായൂർ നഗരസഭാ കൗൺസിൽ യോഗം ഇക്കാര്യം ചൂടോടെ ചർച്ച ചെയ്യുമെന്നാണ് അറിയുന്നത്.

ക്രിസ്റ്റീനയുടെ എ​സ്.​എ​സ്.​എ​ൽ.​സി ബു​ക്കി​ൽ രേ​ഖ​പ്പെ​ടു​ത്തി​യി​ട്ടു​ള്ള​ത് ഹി​ന്ദു എ​ന്നാ​ണെ​ന്ന് ജ​യ​ച​ന്ദ്ര​ന്റെ  ഭാ​ര്യ ആ​ന​ന്ദ​ക​ന​കം പ​റ​യുന്നു. മ​തം ചേ​ർ​ക്ക​രു​തെ​ന്ന​ ജ​യ​ച​ന്ദ്രന്റെ  ആ​വ​ശ്യം അ​വ​ഗ​ണി​ച്ച് സ്കൂ​ൾ അ​ധി​കൃ​ത​ർ ഹി​ന്ദു എ​ന്ന് ചേ​ർ​ക്കുകയായിരുന്നുവെന്നും അ​വ​ർ പ​റ​ഞ്ഞു. എന്തായാലും ജോലിസ്ഥലമായ  കാനഡയ്ക്ക് തിരിച്ചുപോകുന്നതിന് മുൻപ് ഇക്കാര്യത്തിൽ ഒരു തീരുമാനമുണ്ടാകുമോ എന്നറിയാനാണ് നവദമ്പതികൾ കാത്തിരിക്കുന്നത്.

കൗതുകമുള്ള നിരവധി പേരുകൾ മലയാളി സമൂഹത്തിലുണ്ട്. വ്ലാദിമിർ ലെനിനും, സ്റ്റാലിനും, മാർക്സും, എംഗൽസും സോക്രട്ടീസും പുഷ്കിനും അരിസ്റ്റോട്ടിലും ചെക്കോവുമൊക്കെ നമുക്കു ചുറ്റുമുണ്ട്. ഇങ്ങനെ, പുറമെ പുരോഗമനം പറയുന്ന പഴഞ്ചൻ ഉദ്യോഗസ്ഥരുടെ മുന്നിൽ ചെന്ന് ചാടേണ്ടി വരുമ്പോൾ ഈ  സംഭവം ഓർക്കാവുന്നതാണ്.

വേണു എടക്കഴിയൂർ സമൂഹമാദ്ധ്യമത്തിലൂടെ അറിയിച്ചതോടെയാണ് ഇക്കാര്യം പൊതുജനം അറിഞ്ഞത്. മേൽപറഞ്ഞ സംഭവം സംബന്ധിച്ച് വേണു എടക്കഴിയൂരിന്റെ ഫേസ് ബുക്ക് പോസ്റ്റിന്റെ പൂർണ്ണ രൂപം: