ലക്നൗ: ദേശീയ സീനിയര്‍ അത്‌ലറ്റിക് മീറ്റില്‍ കേരളത്തിന് കിരീടം. പുരുഷ-വനിതാ വിഭാഗങ്ങളിലും കേരളം തന്നെയാണ് ചാമ്പ്യന്‍മാര്‍. വനിതാ വിഭാഗത്തില്‍ കേരളം 80 പോയിന്റ് നേടി. 

അവസാന ദിനമായ ഇന്ന് ഒരു സ്വര്‍ണവും അഞ്ച് വെള്ളിയുമാണ് കേരളം നേടിയത്. പുരുഷ വിഭാഗം ലോങ് ജമ്പില്‍ എം ശ്രീശങ്കറാണ് സ്വര്‍ണം നേടിയത്. ഹെപ്റ്റാത്തലണില്‍ മറീന ജോര്‍ജും പുരുഷ വിഭാഗം 110 മീറ്റര്‍ ഹര്‍ഡില്‍സില്‍ മെയ്‌മോന്‍ പൗലോസും വെള്ളിനേടി. 

അതേസമയം 1500 മീറ്ററില്‍ പിയു ചിത്ര രണ്ടാം സ്ഥാനത്തേയ്ക്ക് പിന്തള്ളപ്പെട്ടു. ബംഗാള്‍ താരം ലിലി ദാസാണ് ചിത്രയെ പിന്തള്ളി സ്വര്‍ണം കരസ്ഥമാക്കിയത്. വനിതകളുടെ 4x400 മീറ്റര്‍ റിലേയിലും കേരളം രണ്ടാമതെത്തി.