• 16 Oct 2019
  • 09: 43 PM
Latest News arrow

കോപ്പ അമേരിക്ക: ബ്രസീലിന് ഒൻപതാം കിരീടം

മാരക്കാന (ബ്രസീൽ ): കോപ്പ അമേരിക്ക കിരീടം ഒൻപതാം തവണയും കരസ്ഥമാക്കി ബ്രസീൽ.

മാരക്കാന സ്റ്റേഡിയത്തിൽ നടന്ന മത്സരത്തിൽ പെറുവിനെ ഒന്നിനെതിരെ മൂന്ന് ഗോളുകൾക്ക് തകർത്താണ് ബ്രസീൽ കിരീടം നേടിയത്.

നീണ്ട 12 വർഷത്തെ കാത്തിരിപ്പിന് ശേഷമാണ് കോപ്പ അമേരിക്കയിൽ ബ്രസീൽ മുത്തമിട്ടത്.  2007-ലായിരുന്നു അവസാനത്തെ കിരീടനേട്ടം. ടൂർണ്ണമെന്റിന് സ്വന്തം രാജ്യം വേദിയായപ്പോഴെല്ലാം കിരീടം നേടിയിട്ടുണ്ടെന്നതാണ് ബ്രസീലിന്റെ ചരിത്രം .

എവർട്ടൻ (15), ഗബ്രിയേൽ ജെസ്യൂസ് (45+3), റിച്ചാർലിസൻ (90, പെനൽറ്റി) എന്നിവരാണ് ബ്രസീലിന് വേണ്ടി ഗോളുകൾ നേടിയത്. പെറുവിന്റെ ആശ്വാസ ഗോൾ ക്യാപ്റ്റൻ പൗലോ ഗ്യുറെയ്‌റോ 44ാം മിനിറ്റിൽ നേടി.   ഈ സീസണിൽ കോപ്പയിൽ ബ്രസീൽ വഴങ്ങിയ ഏക ഗോളും ഇതായിരുന്നു.

ബ്രസീലിയൻ താരം എവർട്ടൻ മൂന്ന് ഗോളുകളുമായി ടൂർണ്ണമെന്റിനെ ടോപ് സ്കോററായി.  

ഗോൾഡൻ ഗ്ലൗ ബ്രസീലിന്റെ തന്നെ അലിസനും ഫെയർ പ്ലേ പുരസ്കാരം ബ്രസീൽ നായകൻ ഡാനി ആൽവ്‌സും സ്വന്തമാക്കി.