മലയാള സിനിമയിലെ വനിതാ കൂട്ടായ്മയായ 'വിമൺ ഇൻ സിനിമ കളക്ടീവ്-WCC'ന് സമാനമായി തെലുങ്കിലും വനിതാ കൂട്ടായ്മ. 'വോയ്‌സ് ഓഫ് വുമണ്‍ -VOW'  എന്ന് പേരിട്ടിരിക്കുന്ന സംഘടനയ്ക്ക് നടി ലക്ഷ്മി മാഞ്ചു, നിര്‍മാതാക്കളായ സുപ്രിയ, സ്വപ്‌ന ദത്ത്, സംവിധായിക നന്ദിനി, അഭിനേത്രിയും അവതാരകയുമായ ത്സാന്‍സി എന്നിവരാണ് നേതൃത്വം നല്‍കുന്നത്.

സംഘടനയില്‍ എണ്‍പതോളം പേര്‍ അംഗങ്ങളായിട്ടുണ്ട്. സിനിമയിലെ സ്ത്രീകള്‍ നേരിടേണ്ടി വരുന്ന പ്രശ്‌നങ്ങള്‍ പരിഹരിക്കുന്നതിനും മുന്നേറ്റത്തിനും ലിംഗനീതിക്കും വേണ്ടി പോരാടുക എന്നതാണ് സംഘടനയുടെ ലക്ഷ്യമെന്ന് അംഗങ്ങള്‍ വ്യക്തമാക്കുന്നു.