• 17 Jan 2019
  • 09: 58 PM
Latest News arrow

ഓഹരി വിപണി: വാരാന്ത്യം സെന്‍സെക്‌സില്‍ നേട്ടത്തോടെ തുടക്കം

മുംബൈ: ഓഹരി വിപണിയില്‍ വാരാന്ത്യം നേട്ടത്തോടെ തുടക്കം. രണ്ടു ദിവസത്തെ കനത്ത നഷ്ടത്തിനു ശേഷമാണ് വിപണിയില്‍ ഉണര്‍വുണ്ടാകുന്നത്. സെന്‍സെക്‌സ് 93 പോയിന്റ് ഉയര്‍ന്ന് 35,606ലെത്തിയപ്പോള്‍ നിഫ്റ്റി 27 പോയിന്റ് നേട്ടത്തില്‍ 10,699ലുമെത്തിയാണ് വ്യാപാരം പുരോഗമിക്കുന്നത്. വാഹനം, ബാങ്ക്, ഇന്‍ഫ്ര തുടങ്ങിയ വിഭാഗങ്ങളിലെ ഓഹരികള്‍ മികച്ച നേട്ടം കൊയ്തു. അതേസമയം ബിഎസ്ഇയിലെ 285 കമ്പനികളുടെ ഓഹരികള്‍ നേട്ടത്തിലും 116 ഓഹരികള്‍ നഷ്ടത്തിലും തുടരുകയാണ്. 
കമ്പനികളുടെ പ്രവര്‍ത്തന ഫലങ്ങള്‍ അടുത്തയാഴ്ച പുറത്ത് വരും. അതിനാല്‍ തന്നെ നിക്ഷേപകര്‍ വളരെ കരുതലോടെയാണ് വിപണിയില്‍ ഇടപെടല്‍ നടത്തുന്നത്. പ്രധാനമായും ടെക് മഹീന്ദ്ര, റിലയന്‍സ്, സിപ്ല, ഇന്‍ഫോസിസ്, സണ്‍ ഫാര്‍മ, വിപ്രോ, ഡോ.റെഡ്ഡീസ് ലാബ്, ഐസിഐസിഐ ബാങ്ക്, ടിസിഎസ്, എച്ച്‌സിഎല്‍ ടെക് തുടങ്ങിയ കമ്പനികളുടെ ഓഹരികളാണ് നഷ്ടം നേരിട്ടത്. 
എന്നാല്‍ ഐഷര്‍ മോട്ടോഴ്‌സ്, എസ്ബിഐ, ബജാജ് ഓട്ടോ, ഒഎന്‍ജിസി, എച്ച്ഡിഎഫ്‌സി, ടാറ്റ മോട്ടോഴ്‌സ്, പവര്‍ഗ്രിഡ് കോര്‍പ്, ഐടിസി, ആക്‌സിസ് ബാങ്ക്, ഹിന്ദുസ്ഥാന്‍ യുണിലിവര്‍ എന്നീ കമ്പനികള്‍ നേട്ടം കൈവരിച്ചു.