കുവൈറ്റ് സിറ്റി :  അരക്കോടിയിലധികം രൂപ വിലവരുന്ന സ്വര്‍ണ്ണ തട്ടം ധരിച്ച് അറബ് യുവതി സോഷ്യല്‍ മീഡിയയില്‍ പോസ്റ്റ് ചെയ്ത വീഡിയോ അറബ് നാടുകളില്‍ ചര്‍ച്ചയാവുന്നു. 22 കാരറ്റ് സ്വര്‍ണ്ണത്തില്‍ തീര്‍ത്ത തട്ടത്തിന് രണ്ട് കിലോ ഭാരമുണ്ടെന്നാണ് യുവതി പറയുന്നത്. ഇത്ര വിലകൂടിയ വസ്ത്രം ധരിക്കുന്നതിനെതിരെയാണ് സോഷ്യല്‍ മീഡിയയില്‍ ഇത് പങ്കുവച്ച പലരും സംസാരിക്കുന്നത്.യുവതിയെ അനുകൂലിച്ചും പ്രതികൂലിച്ചും അറബ് പൗരന്മാര്‍ കമന്റുകളിടുന്നുണ്ട്. സമൂഹമാധ്യമങ്ങള്‍ ഇത് ഏറ്റെടുത്തതോടെ  യുഎഇ ഉള്‍പ്പെടെയുളള രാജ്യങ്ങളില്‍ ഓണ്‍ലൈന്‍ മാധ്യമങ്ങളിലും ഇത് വാര്‍ത്തയായിട്ടുണ്ട്.