ജിയോ ഫീച്ചര്‍ ഫോണുകള്‍ വിപണിയില്‍ ഇറങ്ങിയപ്പോള്‍ പലഭാഗത്തുനിന്നും വിമര്‍ശനങ്ങള്‍ ഉയര്‍ന്നിരുന്നു. എങ്കിലും റെക്കാര്‍ഡ് നേട്ടമാണ് ഫോണുകള്‍ക്ക് ലഭിച്ചിരുന്നത്. കഴിഞ്ഞ വര്‍ഷം വില്‍പ്പന നടന്ന ഫോണുകളില്‍ ഒന്നാംസ്ഥാനവും ജിയോയ്ക്കു തന്നെയാണ്.

എന്നാല്‍ ജിയോ ഫോണുകള്‍ ജിയോയുടെ ഒഫീഷ്യല്‍ വെബ് സൈറ്റുകളില്‍ മാത്രമാണ് ലഭിച്ചിരുന്നത്. ഇപ്പോഴിത് ആമസോണിലും വില്‍പ്പയ്‌ക്കെത്തിയിരിക്കുകയാണ്. 1500 രൂപയായിരുന്നു ഫോണിന്റെ ഡെപ്പോസിറ്റ് തുക. എന്നാല്‍ ആമസോണില്‍ ഇതിന്റെ വില 1,745 രൂപയാണ്.
ജിയോ ഫോണ്‍ ഗാഡ്ജറ്റ് ഗ്രീക്ക് ബിസിനസ് സൊല്യൂഷന് 1745 രൂപയാണ്. അതേസമയം 1,922 രൂപയ്ക്കാണ് മൈ ഈവേള്‍ഡിന്റെ വില്‍പ്പന. ജിയോയുടെ ഓഫ് ലൈന്‍ ഷോപ്പുകളിലും 4G ഫോണ്‍ ലഭ്യമാണ്.