റിയോ ഡി ജനീറോ : അമേരിക്കന്‍ നീന്തല്‍ ഇതിഹാസം മൈക്കല്‍ ഫെല്‍പ്‌സിന് 21 ആം ഒളിംപിക്‌സ് സ്വര്‍ണം. 200 മീറ്റര്‍ ഫ്രീസ്‌റ്റൈല്‍ റിലേയില്‍ ഒന്നാമതെത്തിയാണ് സ്വര്‍ണ്ണം നേടിയത്. 200 മീറ്റര്‍ ബട്ടര്‍ഫ്‌ളൈസിലും ഫെല്‍പ്‌സ് സ്വര്‍ണ്ണം നേടിയിരുന്നു.  ഇതോടെ റിയോയിലെ ഫെല്‍പ്‌സിന്റെ സ്വര്‍ണനേട്ടം മൂന്നായി. നേരത്തെ പുരുഷ വിഭാഗം 4x100 മീറ്റര്‍ ഫ്രീസ്‌റ്റൈല്‍ റിലേയില്‍  ഫെല്‍പ്‌സ് ഉള്‍പ്പെട്ട യുഎസ് ടീം സ്വര്‍ണം നേടിയിരുന്നു. 

റിയോയിലെ മൂന്നാം സ്വര്‍ണ നേട്ടത്തോടെ ഒളിംപിക്‌സിലെ  ഇതിഹാസ താരങ്ങളിലൊരാളായ ഫെല്‍പ്‌സിന്റെ ആകെ ഒളിംപിക് മെഡല്‍ 25 ആയി; 21 സ്വര്‍ണം, 2 വെള്ളി, 2 വെങ്കലം എന്നിവയാണിവ . 2012 ലണ്ടന്‍ ഒളിംപിക്‌സിനുശേഷം വിരമിക്കല്‍ പ്രഖ്യാപിച്ച ഫെല്‍പ്‌സ് തീരുമാനം മാറ്റി തിരിച്ചുവരികയായിരുന്നു.